യുപിയില് ഞായറാഴ്ച ലോക്ക്ഡൗണ് പ്രഖ്യാപിച്ചു; മാസ്ക് ധരിക്കാത്തവര്ക്ക് 10,000 രൂപ പിഴ
ലക്നോ: ഉത്തര്പ്രദേശില് ഞായറാഴ്ച ലോക്ക്ഡൗണ് പ്രഖ്യാപിച്ചു. കോവിഡ് വ്യാപനം അനിയന്ത്രിതമായി വര്ധിക്കുന്ന സാഹചര്യത്തില് മുഖ്യമന്ത്രി യോഗി ആദിത്യനാഥ് ആണ് ഇനി മുതല് എല്ലാ ഞായറാഴ്ചകളിലും ലോക്ക്ഡൗണായിരിക്കുമെന്ന് പ്രഖ്യാപിച്ചത്.
സംസ്ഥാനത്തെ 10 ജില്ലകളില് രാത്രി ഏഴ് മുതല് രാവിലെ എട്ട് വരെ രാത്രികാല കര്ഫ്യുവും ഏര്പ്പെടുത്തി. അതേസമയം, പൊതുസ്ഥലങ്ങളില് മാസ്ക് ധരിക്കാത്തവരില് നിന്നും 10,000 രൂപ പിഴയീടാക്കുമെന്നും അറിയിച്ചിട്ടുണ്ട്. മാസ്ക് ധരിക്കാത്തവരില് നിന്നും ആദ്യം 1,000 രൂപയാണ് പിഴയീടാക്കിയിരുന്നത്. ഈ തുകയാണ് വര്ധിപ്പിച്ചു.
യുപിയില് മേയ് 15 വരെ സ്കൂളുകള് അടച്ചിട്ടു. പരീക്ഷകള് മാറ്റിവച്ചുവെന്നും അധികൃതര് അറിയിച്ചു. ലക്നോ, വാരണാസി എന്നിവിടങ്ങളിലാണ് കോവിഡ് വ്യാപനം വര്ധിക്കുന്നത്.