ലൈഫ് മിഷന് പദ്ധതി: രണ്ടര ലക്ഷം വീടുകളുടെ പൂര്ത്തീകരണ പ്രഖ്യാപനം നടന്നു
തിരുവനന്തപുരം: ലൈഫ് മിഷന് പദ്ധതി വഴി രണ്ടരലക്ഷം വീടുകള് പൂര്ത്തീകരിച്ചതിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. തിരുവനന്തപുരം വട്ടിയൂര്കാവിലെ പ്രഭ എന്ന വീട്ടമ്മയുടെ ഗൃഹപ്രവേശന ചടങ്ങില് മുഖ്യമന്ത്രി നേരിട്ടെത്തി.
നാലര വര്ഷം കൊണ്ട് 2.5 ലക്ഷം കുടുംബങ്ങള്ക്ക് പുതിയ വീട് സ്വന്തമാക്കിത്തീര്ക്കാന് കഴിഞ്ഞതില് അഭിമാനമെന്നു മുഖ്യമന്ത്രി പറഞ്ഞു. ലൈഫ് മിഷന്റെ പ്രവര്ത്തന ഫലമായി 2,50,547 വീടുകള് പൂര്ത്തിയായിരിക്കുകയാണ്. നിര്മ്മാണത്തിനായി 8,823. 20 കോടി രൂപയാണ് ചെലവഴിച്ചത്.
ഈ വര്ഷം ഒന്നര ലക്ഷം പുതിയ വീടുകള് കൂടി നിര്മ്മിച്ചു നല്കുമെന്നും പ്രഖ്യാപനമുണ്ടായി. ഭൂരഹിതരും ഭവനരഹിതരുമായ 1.35 ലക്ഷം കുടുംബങ്ങള്ക്കാണ് മുന്ഗണന നല്കുക. ഇതില് അറുപതിനായിരം വീടുകള് മത്സ്യത്തൊഴിലാളികള്ക്കും പട്ടിക വിഭാഗത്തിനുമാണ്.