കരമന സ്വത്ത് തട്ടിപ്പ് കേസ്; 12 പേരെ പ്രതി ചേര്ത്ത് പോലീസ് എഫ്ഐആര്
തിരുവനന്തപുരം : കരമന കാലടിയിലെ സ്വത്ത് തട്ടിപ്പ് കേസില് 12 പേരെ പ്രതികളാക്കി പോലീസ് എഫ്ഐആര്. സംഭവത്തിനാധാരമായ വീട്ടിലെ കാര്യസ്ഥനും മുന് കളക്ടറും ഉള്പ്പെടെയുള്ളവരാണ് പ്രതികള്.
കാര്യസ്ഥനെ രവീന്ദ്രന് നായര് ഒന്നാം പ്രതിയും മുന് കളക്ടര് മോഹന്ദാസ് പത്താം പ്രതിയുമാണ്. ഗൂഢാലോചന, ഭീഷണിപ്പെടുത്തല് തുടങ്ങിയ വകുപ്പുകള് ചുമത്തിയാണ് ഇവര്ക്കെതിരെ കേസെടുത്തിരിക്കുന്നത്. ക്രൈം ബ്രാഞ്ചിന്റെ പ്രാഥമിക അന്വേഷണ റിപ്പോര്ട്ടിന്റെ അടിസ്ഥാനത്തിലാണ് പോലീസ് 12 പേര്ക്കെതിരെയും കേസ്സെടുത്തിരിക്കുന്നത്.
മാനസികമായി ബുദ്ധിമുട്ടുള്ള ജയമാധവന് നായരെ കബളിപ്പിച്ച് 33 സെന്റ് സ്ഥലവും വീടും സ്വന്തമാക്കിയെന്നാണ് കേസ്. വില്പ്പത്രമനുസരിച്ച് ജയമാധവന് നായരുടെ ഉമാമന്ദിരം എന്ന വീടിന്റെ ഉടമസ്ഥാവകാശം രവീന്ദ്രന് നായര്ക്കാണ്.