കുഴല്കിണറില് വീണ കുഞ്ഞിനെ രക്ഷിക്കാനുള്ള ശ്രമങ്ങള് ഊര്ജ്ജിതം
ചെന്നൈ: തമിഴ്നാട്ടില് കുഴല്കിണറില് വീണ കുഞ്ഞിനെ രക്ഷിക്കാനുള്ള ദൗത്യം ദുഷ്കരമാവുന്നു. വീണ് 65 മണിക്കൂര് പിന്നിടുമ്ബോള് കുട്ടിക്ക് ചലനമില്ലെന്ന സ്ഥിരീകരിക്കാത്ത റിപ്പോര്ട്ടുകളും പുറത്തു വരുന്നുണ്ട്.കുട്ടിയെ രക്ഷിക്കാനായി സമാന്തര കിണര് നിര്മ്മാണമാണ് ഇപ്പോള് നടക്കുന്നത്. കാഠിന്യമേറിയ പാറക്കെട്ട് കിണര് നിര്മ്മാണത്തിന് തടസമായതോടെ പ്രവര്ത്തനങ്ങള് രാവിലെ താല്ക്കാലികമായി നിര്ത്തിവെച്ചിരുന്നു. താഴ്ചയിലേക്ക് പോകും തോറും കാഠിന്യമേറിയ പാറകളാണെന്നതാണ് രക്ഷാപ്രവര്ത്തകരെ പ്രതിസന്ധിയിലാക്കുന്നത്.
നിലവില് 92 അടിയിലാണ് കുട്ടിയുള്ളത്. കുട്ടിയെ കൂടുതല് താഴ്ചയിലേക്ക് പോവാതിരിക്കാന് ആങ്കര് ചെയ്ത് വെച്ചിരിക്കുകയാണ്. പാറയുള്ളതിനാല് കുഴിയെടുക്കല് വളരെ സാവധാനത്തിലാണ്നടക്കുന്നത്.പ്രതീക്ഷിച്ച വേഗം ദൗത്യത്തിനില്ല.. 45 അടി കഴിഞ്ഞാല് മണ്ണ് കാണാന് കഴിയുമെന്ന പ്രതീക്ഷയും രക്ഷാ ദൗത്യത്തിന് നേതൃത്വം നല്കുന്നവര് പങ്കുവെക്കുന്നുണ്ട്.
ഇന്നലെ കുട്ടിയുടെ കൈകള് ഇളകുന്നത് കണ്ടെങ്കിലും പ്രതീക്ഷാ നിര്ഭരമല്ല കാര്യങ്ങള്. കുഞ്ഞിന്റെശരീരത്തിന്റെ താപനില സംബന്ധിച്ച് ലഭിക്കുന്ന വിവരങ്ങളും പ്രതീക്ഷ നല്കുന്നില്ല. കുഞ്ഞ് കുഴല് കിണറില് വീണിട്ട് 65 മണിക്കൂര് കഴിഞ്ഞു. 75 മണിക്കൂര് വരെ കുഞ്ഞിന്റെ ജീവന് ഭീഷണിയാവുന്ന തരത്തില് ആരോഗ്യനില വഷളാകില്ല എന്നാണ് പ്രതീക്ഷിക്കുന്നതെന്ന് ആരോഗ്യവിദഗ്ധര് പറയുന്നത്. എന്നാല് വരുന്ന പത്ത് മണിക്കൂറിനുള്ളില് കുഞ്ഞിനെ പുറത്തെടുക്കാനുള്ള സാധ്യത തുലോം കുറവായതിനാല് ആശങ്കയിലാണ് എല്ലാവരും.