കേരളത്തിന്റെ അന്തകവിത്താണ് പിണറായിയെന്ന് കെ.എം. ഷാജി
കണ്ണൂര്: കേരളത്തിന്റെ അന്തകവിത്താണ് മുഖ്യമന്ത്രി പിണറായി വിജയനെന്ന് മുസ്ലിം ലീഗ് കെ.എം. ഷാജി എംഎല്എ. ഇങ്ങനെ വൈരം കാണിക്കുന്നയൊരാള് രാഷ്ട്രീയത്തില് വേറെയില്ല. മുഖ്യമന്ത്രി തന്നെ പിന്തുടര്ന്ന് തകര്ക്കാന് ശ്രമിക്കുകയാണെന്നും ഷാജി ആരോപിച്ചു. വാര്ത്താ ചാനലിന് നല്കിയ അഭിമുഖത്തിലാണ് ഷാജി ഇക്കാര്യം വെളിപ്പെടുത്തിയത്.
അനധികൃതസ്വത്ത് സമ്പാദനകേസ് രാഷ്ട്രീയപ്രേരിതമാണ്. ഇഞ്ചിക്കൃഷി ചെയ്തു തന്നെയാണ് പണം സമ്പാദിച്ചത്. പി.കെ. കുഞ്ഞാലിക്കുട്ടിയുമായുള്ള അഭിപ്രായവ്യത്യാസം ആശയപരമാണ്. അദ്ദേഹത്തിനോടുള്ള എതിര്പ്പുകള് നേരിട്ട് പറയാറുണ്ട്.
പാര്ട്ടിക്കകത്ത് റിബലാണെന്ന വിമര്ശനം തനിക്കൊരു അലങ്കാരമാണ്. തന്നെപ്പോലെ എതിര്പ്പുയര്ത്താന് സിപിഎമ്മിലെ യുവനേതാവിന് പറ്റുമോയെന്നും എംഎല്എ ചോദിച്ചു.
വരുന്ന നിയമസഭാ തെരഞ്ഞെടുപ്പില് അഴീക്കോട് തന്നെ മത്സരിക്കണമെന്നാണ് ആഗ്രഹം. അഴീക്കോട് സുരക്ഷിത മണ്ഡലം തന്നെയാണ്. പാര്ട്ടി അനുവദിച്ചാല് മത്സരിക്കുമെന്നും കെ.എം.ഷാജി വ്യക്തമാക്കി.