സ്വര്ണ്ണക്കടത്ത് കേസ്; ശിവശങ്കറിന്റെ ജാമ്യാപേക്ഷയില് ഇന്ന് കോടതി വിധി
കൊച്ചി: സ്വര്ണ്ണക്കടത്തുമായി ബന്ധപ്പെട്ട കസ്റ്റംസ് കേസില് എം. ശിവശങ്കര് നല്കിയ ജാമ്യാപേക്ഷയില് ഇന്ന് കോടതി വിധി പറയും. സാമ്ബത്തിക കുറ്റകൃത്യങ്ങള്ക്കായുള്ള പ്രത്യേക കോടതിയാണ് ഹര്ജി പരിഗണിച്ചിരിക്കുന്നത്. കള്ളക്കടത്തില് തനിക്ക് പങ്കില്ലെന്നും ഇക്കാര്യത്തില് കസ്റ്റംസിന് യാതൊരു തെളിവും ഹാജരാക്കാന് ആയില്ലെന്നുമാണ് ശിവശങ്കറിന്റെ വാദം ഉയര്ന്നിരിക്കുന്നത്. തനിക്കെതിരെ കേസിലെ ഒരു സാക്ഷിയുടെ മൊഴി മാത്രമാണുള്ളതെന്നും ശിവശങ്കര് വാദിക്കുകയുണ്ടായി.
എന്നാല് അതേസമയം കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ശക്തമായ തെളിവുകള് ലഭിച്ചിട്ടുണ്ടെന്നും കസ്റ്റംസ് പറയുകയുണ്ടായി.