സ്വര്ണക്കടത്ത് കേസ്: ഫൈസല് ഫരീദിനെതിരെ ഇന്റര്പോള് ലുക്ക്ഔട്ട് നോട്ടീസ്
ന്യൂഡല്ഹി: തിരുവനന്തപുരം സ്വര്ണക്കടത്തുകേസിലെ മൂന്നാംപ്രതിയായ ഫൈസല് ഫരീദിനെതിരെ ഇന്റര്പോള് നോട്ടീസ്. ഇന്ത്യയുടെ അഭ്യര്ഥനമാനിച്ചാണ് ഫൈസലിനെതിരെ ഇന്റര്പോള് ലുക്ക്ഔട്ട് നോട്ടീസ് പുറപ്പെടുവിച്ചത്. ഇതോടെ ലോകത്തെ ഏത് വിമാനത്താവളത്തില് ഫൈസല് എത്തിയാലും പിടികൂടാനാകും.
അതേസമയം, തൃശൂര് കയ്പമംഗലത്തെ അടഞ്ഞുകിടന്ന ഫൈസലിന്റെ വീട്ടില് കസ്റ്റംസ് പരിശോധന നടത്തി. ഇവിടെനിന്നും കംപ്യൂട്ടറും ഒട്ടേറെ രേഖകളും പിടിച്ചെടുത്തു.