സ്വര്‍ണ്ണക്കടത്ത് കേസില്‍ പ്രാഥമിക കുറ്റപത്രം സമര്‍പ്പിച്ച്‌ എന്‍ഫോഴ്‍സ്‍മെന്‍റ്
കൊച്ചി : സ്വര്‍ണ്ണക്കടത്ത് കേസില്‍ പ്രാഥമിക കുറ്റപത്രം സമര്‍പ്പിച്ച്‌ എന്‍ഫോഴ്‍സ്‍മെന്‍റ്(ഇഡി). സ്വപ്ന,സന്ദീപ്,സരിത് എന്നിവര്‍ക്കെതിരെ അഡീഷണല്‍ സെഷന്‍സ് കോടതിയിലാണ് കുറ്റപത്രം സമര്‍പ്പിച്ചത്. കള്ളപ്പണം വെളുപ്പിച്ചതിന് തെളിവുണ്ടെന്ന് പ്രാഥമിക കുറ്റപത്രത്തില്‍ പറയുന്നു. ഡിജിറ്റല്‍ തെളിവുകള്‍ ലഭിച്ച ശേഷമായിരിക്കും അന്തിമ കുറ്റപത്രം സമര്‍പ്പിക്കുക. സ്വര്‍ണക്കടത്തുകേസില്‍ സ്വപ്ന സുരേഷ് അടക്കമുളള ഏഴ് പ്രതികളുടെ ജാമ്യാപേക്ഷ കൊച്ചി എന്‍ഐഎ കോടതി ഇന്ന് പരിഗണിക്കാനിരിക്കെയാണ് ഇഡി കുറ്റപത്രം സമര്‍പ്പിച്ചത്.
എന്‍ഐഎ കേസില്‍ ജാമ്യം ലഭിച്ചാലും, എന്‍ഫോഴ്‍സ്‍മെന്‍റ് കേസില്‍ പ്രതികള്‍ പുറത്തുപോകാതിരിക്കാന്‍ ലക്ഷ്യമിട്ടാണ് ഇഡിയുടെ തിരക്കിട്ട നീക്കം.
അതേസമയം നാലാം പ്രതി സന്ദീപ് നായരുടെ രഹസ്യമൊഴി, എന്‍ഐഎ ഇന്ന് കോടതിയില്‍ ഹാജരാക്കും. ഇന്നലെ ഒന്‍പത് മണിക്കൂര്‍ സമയമെടുത്താണ് സന്ദീപ് നായരുടെ രഹസ്യ മൊഴി രേഖപ്പെടുത്തി. സന്ദീപിന്‍റെ ആവശ്യപ്രകാരം ആലുവ മജിസ്ട്രേറ്റാണ് മൊഴി രേഖപ്പെടുത്തിയത്. ഉച്ചകഴിഞ്ഞ് 2.30 ന് ആരംഭിച്ച മൊഴിയെടുക്കല്‍ രാത്രി 11.30നാണ് അവസാനിച്ചത്.
Related News
‘പി. ജയരാജന്റെയും എ.എൻ ഷംസീറിന്റെയും കയ്യും തലയും വെട്ടി കാളീപൂജ നടത്തും’; കൊലവിളി മുദ്രാവാക്യവുമായി ബിജെപി
സ്വര്ണക്കടത്ത് അന്വേഷിക്കുന്ന ഉദ്യോഗസ്ഥര്ക്കെതിരെയുള്ള അന്വേഷണം തടയണമെന്ന് ഇ. ഡി
വയനാട് ജില്ലയിലെ മലയോര പ്രദേശങ്ങളില് ട്രക്കിംഗിന് വിലക്ക്
ഗുരുവായൂരില് നൂറ് പവന്റെ സ്വര്ണ കിണ്ടി സമര്പ്പിച്ചു