ഡല്ഹിമലിനീകരണം: രൂക്ഷ വിമര്ശവുമായി സുപ്രീംകോടതി
ന്യൂഡല്ഹി: ഡല്ഹിയിലെ ജനങ്ങള്ക്ക് വായുമലിനീകരണം മൂലം അവരുടെ ജീവിതത്തിലെ വിലയേറിയ വര്ഷങ്ങള് നഷ്ടപ്പെട്ടു കൊണ്ടിരിക്കുകയാണെന്ന് സുപ്രീം കോടതി. ഡല്ഹിയിലെ വായുമലിനീകരണ വിഷയം പരിഗണിക്കവേ സുപ്രീം കോടതിയുടെ പ്രത്യേക ബെഞ്ചാണ് ഇത്തരത്തില് പരാമര്ശം നടത്തിയത്. ഇക്കാര്യത്തില് ഒരു ന്യായവും കേള്ക്കേണ്ടെന്നും നടപടിയാണ് ആവശ്യമെന്നും കോടതി പറഞ്ഞു.
ഡല്ഹിക്ക് എല്ലാ വര്ഷവും ശ്വാസം മുട്ടുകയാണ്. നമുക്ക് ഒന്നും ചെയ്യാന് സാധിക്കുന്നില്ല. എല്ലാ വര്ഷവും ഇത് സംഭവിക്കുന്നു. 10-15 ദിവസത്തേക്ക് ഇത് തുടരുകയും ചെയ്യുന്നു. പരിഷ്കൃത രാജ്യങ്ങളില് ഇങ്ങനെ നടക്കാന് പാടില്ല. ജീവിക്കാനുള്ള അവകാശം ഏറ്റവും പ്രധാനപ്പെട്ടതാണ്- കോടതി പറഞ്ഞു.