പള്ളിത്തർക്കം; മൃതദേഹം സംസ്കരിക്കുന്നതിന് ഉണ്ടാകുന്ന തടസ്സം നീക്കാൻ ഓഡിനൻസുമായി സർക്കാർ
തിരുവനന്തപുരം: പള്ളി തര്ക്കത്തിന്റെ പേരില് മൃതദേഹങ്ങള് കല്ലറയില് അടക്കം ചെയ്യുന്നതിന് ഉണ്ടാകുന്ന തടസ്സം നീക്കാൻ സര്ക്കാര് ഓര്ഡിനന്സ് കൊണ്ടുവരുന്നു. സഭാ തർക്കമുള്ള പളളികളിൽ കുടുംബ കല്ലറ ഏതു പള്ളിയിലാണോ ആ പള്ളിയിൽ സംസക്കരിക്കാം. മൃതദേഹം അടക്കം ചെയ്യാൻ തർക്കങ്ങൾ തടസ്സമാകരുത് എന്നതാണ് വ്യവസ്ഥകള്. ഇതിന് നിയമ പ്രാബല്യമുണ്ടാകും. ഓര്ത്തഡോക്സ്–യാക്കോബായ തര്ക്കം കണക്കിലെടുത്താണ് നടപടി. ബുധനാഴ്ച ചേര്ന്ന പ്രത്യേക മന്ത്രിസഭാ യോഗമാണ് ഇതിന് വേണ്ട ഓര്ഡിനന്സ് ഇറക്കാന് തീരുമാനിച്ചത്.