പ്രചാരണ ചൂടിലേക്ക്: ഇന്നു മുതല് സ്ഥാനാര്ഥികളുടെ വാഹന പര്യടനം
പാലക്കാട്: തെരഞ്ഞെടുപ്പിന് ഒമ്പത് ദിവസം മാത്രം ശേഷിക്കെ ജില്ല പ്രചാരണ ചൂടിലേക്ക്. സ്ഥാനാര്ഥികളുടെ ജനസമ്ബര്ക്ക പരിപാടികളും ഗൃഹസന്ദര്ശനവും കുടുംബയോഗങ്ങളുമായി പ്രചാരണ രംഗം സജീവമായി. കവലകളിലും റോഡോരങ്ങളിലും പോസ്റ്ററുകളും ബോര്ഡുകളും തോരണങ്ങളും നിറഞ്ഞു.
യു.ഡി.എഫ്, ബി.ജെ.പി സംസ്ഥാന നേതാക്കളുടെ പര്യടനങ്ങള്ക്ക് തുടക്കമായി. മുന് മുഖ്യമന്ത്രി ഉമ്മന് ചാണ്ടിയും പ്രതിപക്ഷ നേതാവ് രമേശ് ചെന്നിത്തലയും ഒരു ദിവസം മുഴുവന് ജില്ലയില് വിവിധ യോഗങ്ങളില് പങ്കെടുത്തു. യു.ഡി.എഫ് കണ്വീനര് എം.എം. ഹസന് ഡിസംബര് രണ്ടിനും എ.ഐ.സി.സി. ജനറല് സെക്രട്ടറി താരീഖ് അന്വര് മൂന്നിനും കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് അഞ്ചിനും ജില്ലയിലെത്തും. എന്.ഡി.എ സ്ഥാനാര്ഥികളുടെ പ്രചാരണവും മുറുകി.
കേന്ദ്രമന്ത്രി വി. മുരളീധരനും കുമ്മനം രാജശേഖരനും ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനും ജില്ലയില് പര്യടനം പൂര്ത്തിയാക്കി. അതേസമയം, കോവിഡ് പശ്ചാത്തലത്തില് എല്.ഡി.എഫ് പൂര്ണമായും ഓണ്ലൈന് പരിപാടികളിലാണ് കേന്ദ്രീകരിക്കുന്നത്.
അഞ്ചിന് മുഖ്യമന്ത്രി ഓണ്ലൈന് വഴി പ്രവര്ത്തകരെ അഭിസംബോധന ചെയ്യും. ബൂത്ത് കേന്ദ്രങ്ങളിലും വീടുകളിലും മുഖ്യമന്ത്രിയുടെ പ്രസംഗം വീക്ഷിക്കാന് സംവിധാനമൊരുക്കും.
തുടര്ന്നുള്ള ദിവസങ്ങളിലും സി.പി.എം പോളിറ്റ് ബ്യൂറോ അംഗങ്ങളടക്കം ഒാണ്ലൈനിലൂടെ പ്രവര്ത്തകരെ അഭിസംബോധന ചെയ്യും.
കുടുംബയോഗങ്ങളിലും ജനസമ്ബര്ക്ക പരിപാടികളിലും കേന്ദ്രീകരിച്ചിരുന്ന എല്.ഡി.എഫ് സ്ഥാനാര്ഥികള് ചൊവ്വാഴ്ച മുതല് വാഹന പര്യടനം തുടങ്ങും.
നഗരസഭ സ്ഥാനാര്ഥികള് ഗൃഹസന്ദര്ശനത്തിനുതന്നെയാണ് ഉന്നല് നല്കുന്നത്. കോവിഡ് പശ്ചാത്തലത്തില് കുടുംബയോഗങ്ങളില് അകലം പാലിച്ച് നൂറില് താഴെ ആളുകളെ മാത്രമേ പെങ്കടുപ്പിക്കുന്നുള്ളൂ.