ജ്വല്ലറിക്കായി മൂന്ന് പേരില്‍ നിന്ന് 10 ലക്ഷം വാങ്ങി; മുസ്ലിം ലീഗ് എംഎല്‍എയ്‌ക്കെതിരെ വീണ്ടും പരാതി
മഞ്ചേശ്വരം എംഎല്‍എ എം.സി കമറുദ്ദീനെതിരെ വീണ്ടും പരാതി. ജ്വല്ലറിക്കായി മൂന്ന് പേരില്‍ നിന്നായി 10 ലക്ഷം വീതം തട്ടിയെടുത്തെന്നാണ് പരാതി ഉയര്‍ന്നിരിക്കുന്നത്. എംഎല്‍എയ്‌ക്കെതിരെ ചന്തേര പൊലീസ് മൂന്ന് കേസുകള്‍ കൂടി രജിസ്റ്റര്‍ ചെയ്തു. ഇതോടെ ജ്വല്ലറി നിക്ഷേപ തട്ടിപ്പുമായി ബന്ധപ്പെട്ട് എംഎല്‍എക്കെതിരെ രജിസ്റ്റര്‍ ചെയ്ത കേസുകളുടെ എണ്ണം ഏഴായി.
ചെറുവത്തൂരിലെ ഫാഷന്‍ ഗോള്‍ഡ് ജ്വല്ലറിയില്‍ പണം നിക്ഷേപിച്ച മൂന്ന് പേരുടെ പരാതിയില്‍ കമറുദ്ദീന്‍ എംഎല്‍എയ്ക്കും മാനേജിംഗ് ഡയറക്ടറും സമസ്ത നേതാവുമായ ടികെ പൂക്കോയ തങ്ങള്‍ക്കുമെതിരെ വഞ്ചനക്കുറ്റം ചുമത്തി കേസെടുത്തിരുന്നു. 34 ലക്ഷം തട്ടിയെന്നായിരുന്നു കേസ്. നഷ്ടത്തെ തുടര്‍ന്ന് ഫാഷന്‍ ഗോള്‍ഡ് ജ്വല്ലറിയുടെ മൂന്ന് ശാഖകള്‍ കഴിഞ്ഞ ജനുവരിയില്‍ പൂട്ടിയിരുന്നു. കഴിഞ്ഞ വര്‍ഷം ഓഗസ്റ്റ് മുതല്‍ നിക്ഷേപകര്‍ക്ക് ലാഭ വിഹിതവും നല്‍കിയിട്ടില്ല.
Related News
മന്സൂര് വധക്കേസ് പ്രതിയെ മരിച്ച നിലയില് കണ്ടെത്തി
കണ്ണൂരില് മുസ്ലിം ലീഗ് പ്രവര്ത്തകന് വെട്ടേറ്റ് മരിച്ചു
കേരളത്തില് ബി.ജെ.പിയും കോണ്ഗ്രസും മുസ്ലിം ലീഗും സഖ്യമുണ്ടായിട്ടുണ്ടെന്ന് ഒ. രാജഗോപല്
പ്രിയാ വർഗീസിന്റെ നിയമനം: സ്റ്റേ ആവശ്യപ്പെട്ട് യുജിസി സുപ്രീംകോടതിയിൽ