ആമസോണും ഫ്ലിപ്കാര്ട്ടും നാല് ദിവസത്തില് നേടിയത് 26,000 കോടി
മുംബൈ: ഉത്സവകാല വില്പനയുടെ ആദ്യ നാല് ദിവസങ്ങളില് ഇ-കോമേഴ്സ് ഭീമന്മാരായ ആമസോണും ഫ്ലിപ്കാര്ട്ടും കൂടി നേടിയത് 26,000 കോടി. കണ്സള്ട്ടന്റുമാരായ ഫോര്സ്റ്ററിെന്റയും റെഡ്ഷീറിന്റയും വിലയിരുത്തലില് ഒക്ടേബാര് 15 മുതല് 22 വരെയുള്ള ഉത്സവകാല വില്പന കാലയളവില് ആമസോണും ഫ്ലിപ്കാര്ട്ടും കൂടി 4.7 ബില്യണ് ഡോളര് നേടും.
വില്പനയുടെ ആദ്യദിവസങ്ങളില് ആളുകള് വലിയ രീതിയില് സാധനങ്ങള് വാങ്ങി. പുതിയ ഉല്പനങ്ങളുടെ ലോഞ്ചുകളും വില്പന കൂടാന് സഹായിച്ചുവെന്ന് ആമസോണ് ഇന്ത്യ വൈസ് പ്രസിഡന്റ് മനീഷ് തിവാരി പറഞ്ഞു.1,100ഓളം പുതിയ ഉല്പനങ്ങളാണ് ആമസോണിലൂടെ പുറത്തിറക്കിയത്. സാംസങ്, ആപ്പിള്, ഷവോമി, വണ് പ്ലസ്, അസൂസ്, ലെനാവോ, എച്ച്.പി, എല്.ജി, വേള്പൂള്, ബജാജ് എന്നി കമ്ബനികളുടെ പുതിയ ഉല്പന്നങ്ങള് ആമസോണില് വില്പനക്കെത്തിയെന്നും മനീഷ് തിവാരി വ്യക്തമാക്കി.
ഉത്സവാകാല വില്പനയില് ഇലക്ട്രിക് ഉല്പനങ്ങളാണ് അധികമായി വിറ്റുപോയതെന്ന് ഫ്ലിപ്കാര്ട്ട് വക്താവും പറഞ്ഞു. ലാപ്ടോപ്, ടെലിവിഷനുകള്, ഐ.ടി ആക്സസറീസ് തുടങ്ങിയവക്കെല്ലാം വന് ഡിമാന്ഡായിരുന്നു. വീട്ടിലിരുന്ന് ജോലി സംവിധാനം വ്യാപകമാക്കപ്പെട്ടതോടെ ഐ.ടി ആക്സസറീസിെന്റ വില്പന ഉയര്ന്നതായും അദ്ദേഹം പറഞ്ഞു.
2019ല് ആറ് ദിവസമായിരുന്നു ഓണ്ലൈന് ഷോപ്പിങ് സൈറ്റുകളിലെ ഉത്സവകാല വില്പന. അന്ന് 20,000 കോടിയുടെ സാധനങ്ങളാണ് വിറ്റുപോയത്.