സ്കൂൾ ലീഡർഷിപ് അക്കാദമി-കേരളയ്ക്ക് നാഷണൽ എക്സലൻസ് അവാർഡ്
പൊതുവിദ്യാഭ്യാസ വകുപ്പിന്റെ കീഴിൽ പ്രവർത്തിക്കുന്ന സ്റ്റേറ്റ് ഇൻസ്റ്റിറ്റ്യൂട്ട് ഓഫ് എഡ്യൂക്കേഷണൽ മാനേജ്മെന്റ് ആന്റ് ട്രെയിനിംഗ്- കേരളയിൽ (സീമാറ്റ്-കേരള) NIEPA (National Institute of Educational Planning and Administration) ധനസഹായത്തോടെ പ്രവർത്തിക്കുന്ന സ്കൂൾ ലീഡർഷിപ് അക്കാദമി – കേരളയ്ക്ക് (SLA-K) 2023-24 ലെ പ്രവർത്തനങ്ങൾക്ക് നാഷണൽ എക്സലൻസ് അവാർഡ് ലഭിച്ചു. ലഡാക്ക് അടക്കമുളള വിവിധ കേന്ദ്രഭരണപ്രദേശങ്ങളിലെയും 29 സംസ്ഥാനങ്ങളിലെയും സ്കൂൾ ലീഡർഷിപ് അക്കാദമികളുടെ പ്രവർത്തനം വിലയിരുത്തിയാണ് NIEPA വൈസ് ചാൻസലറും കേന്ദ്ര വിദ്യാഭ്യാസമന്ത്രാലയത്തിന്റെ പ്രതിനിധികളും അടങ്ങുന്ന ജൂറി അവാർഡ് പ്രഖ്യാപിച്ചത്.
NIEPA ഗൈഡ് ലൈൻ പ്രകാരം SLA-K തയ്യാറാക്കിയ സ്കൂൾ ലീഡർഷിപ്പിന്റെ വിവിധ തലങ്ങളുമായി ബന്ധപ്പെട്ട ഇന്ററാക്ടീവ് മൊഡ്യൂളുകളും ഡോക്യുമെന്ററികളും യുട്യൂബ് ചാനൽ വീഡിയോകളും ഉന്നതനിലവാരം പുലർത്തുന്നവയാണെന്ന് അവാർഡ് കമ്മിറ്റി വിലയിരുത്തി. വിവിധ ലക്ഷ്യവിഭാഗങ്ങൾക്കായി സീമാറ്റ്-കേരള നടപ്പിലാക്കി വരുന്ന BEYOND, ABSOLUTE, INFUSION, EVOLVE, PATH, INSPIRE തുടങ്ങിയ നേതൃത്വ പരിശീലന പരിപാടികളിലെ SLA-K ന്റെ നിർവഹണ പങ്കാളിത്തവും അവാർഡിന് പരിഗണിക്കപ്പെട്ടു. ഇവ യഥാക്രമം വിദ്യാഭ്യാസ ഓഫീസർമാർ, ഹയർസെക്കന്ററി സ്കൂൾ പ്രിൻസിപ്പൽമാർ, ഹൈസ്കൂൾ പ്രഥമാധ്യാപകർ, എൽ.പി./യു.പി. സ്കൂൾ തലവൻമാർ, വൊക്കേഷണൽ ഹയർസെക്കന്ററി സ്കൂൾ കരിയർ മാസ്റ്റർമാർ, പൊതുവിദ്യാഭ്യാസ വകുപ്പിന് കീഴിലെ അനധ്യാപക ജീവനക്കാർ തുടങ്ങിയ വിഭാഗങ്ങൾക്കായി ചിട്ടപ്പെടുത്തിയിട്ടുളള ശേഷിവികസന പ്രോഗ്രാമുകളാണ്.
സംസ്ഥാന സർക്കാരിന്റെ 100 ദിന കർമ്മ പരിപാടിയുടെ ഭാഗമായി സീമാറ്റ്-കേരള മുന്നോട്ടുവെച്ച സഹ്യകിരണം എന്ന ആശയവും ഗോത്ര മേഖലയിലെ വിദ്യാഭ്യാസ പ്രവർത്തകർക്ക് പ്രത്യേക പരിശീലനം നൽകാൻ ആവിഷ്ക്കരിച്ചിരിക്കുന്ന RAAP ഉം (Recalibration of Approach and Attitude Programme) അനുകരണീയ മാതൃകകളാണെന്ന് ജൂറി അഭിപ്രായപ്പെട്ടു. സമഗ്രശിക്ഷാ കേരളയുമായി സഹകരിച്ച് സീമാറ്റ്-കേരള വിദ്യാഭ്യാസ പ്രവർത്തകർക്കായി രൂപം നൽകിയിട്ടുളള CPFSL ന്റെ (Certificate Programme in Functional School Leadership) നിർവഹണത്തിൽ SLA-K നുളള പങ്കും അവാർഡിന് പരിഗണിക്കപ്പെട്ടു.
സീമാറ്റ്-കേരള ആവിഷ്ക്കരിച്ചിരിക്കുന്ന നൂതന പ്രവർത്തനാശയങ്ങളായ Progressive Edulead Programme (PEP), Data Based Insight (D-Sight)), National Concept Fair (NCF), National Leadership Exchange Programme (NLEP), State Constellation of Visionaries (SCV), INSTIL, ENRICH, KINDLE, SOAR, KSGF (Kerala School Grading Famework) തുടങ്ങിയവ മറ്റ് സംസ്ഥാനങ്ങളിലും ദേശീയതലത്തിലും അനുകരിക്കപ്പെടേണ്ട മാതൃകകളാണെന്നും അവാർഡ് കമ്മിറ്റി വിലയിരുത്തി.
ന്യൂഡൽഹിയിൽ സംഘടിപ്പിച്ച നാഷണൽ റിവ്യൂ ആന്റ് പ്ലാനിംഗ് വർക്ക്ഷോപ്പിൽ വെച്ചാണ് അവാർഡ് പ്രഖ്യാപിക്കപ്പെട്ടത്. സീമാറ്റ്-കേരള ഡയറക്ടർ ഡോ. ജയപ്രകാശ് ആർ.കെ. യ്ക്കു വേണ്ടി റിസർച്ച് ഓഫീസറും SLA-K ന്റെ നോഡൽ ഓഫീസറുമായ ഡോ. അനന്തകുമാർ എസ്. NIEPA വൈസ് ചാൻസലർ പ്രൊഫ. ശശികല വഞ്ചാരിയിൽ നിന്ന് അവാർഡ് ഏറ്റുവാങ്ങി.
Related News
40,000 കിലോലിറ്റർ അധിക മണ്ണെണ്ണ സംസ്ഥാനങ്ങൾക്ക് നല്കാന് കേന്ദ്ര സർക്കാർ
വാമനപുരത്തെ ഒരു വയസുകാരിയെ കഴുത്തുഞെരിച്ച് കൊന്നത് അമ്മ
വീട്ടുകാരെ ഭയന്ന് കേരളത്തിൽ, മൊണാലിസയ്ക്ക് മാംഗല്യം
പ്രധാനമന്ത്രിയുടെ സന്ദർശനം; കൊച്ചി നഗരത്തിൽ കർശന ഗതാഗത നിയന്ത്രണം, അറിയേണ്ടതെല്ലാം
