സിഇടി; 85-ാം വാർഷികം ആഘോഷിച്ചു
കേരളത്തിലെ ആദ്യ എൻജിനീയറിംഗ് കോളേജായ കോളേജ് ഓഫ് എൻജിനീയറിംഗ് തിരുവനന്തപുരം (CET) സ്ഥാപിതമായതിന്റെ എൺപത്തിഅഞ്ചാം വാർഷികം ആഘോഷിച്ചു. കോളേജ് പ്രിൻസിപ്പൽ, മുൻ പ്രിൻസിപ്പൽമാർ, പൂർവ വിദ്യാർഥികൾ, അധ്യാപകർ, വിദ്യാർഥികൾ, മറ്റു ജീവനക്കാർ എന്നിവരുടെ സാന്നിധ്യത്തിൽ സന്നിഹിതരായവരിൽ ഏറ്റവും മുതിർന്ന പൂർവ്വ വിദ്യാർഥി 1963 ഇലക്ട്രിക്കൽ ബാച്ചിലെ രാമകൃഷ്ണ അയ്യർ കേക്ക് മുറിച്ചു കൊണ്ട് സ്ഥാപകദിന പരിപാടി ഉദ്ഘാടനം ചെയ്തു.
തുടർന്ന് നടന്ന യോഗത്തിൽ, പ്രൊഫ. കുര്യൻ ഐസക്ക് മുഖ്യ പ്രഭാഷണം നടത്തി. തുടർന്ന് ‘CET at 2039: Elevating Technical Education on par with International Standards’ എന്ന വിഷയത്തിൽ നടന്ന പാനൽ ചർച്ചയിൽ പൂർവ്വ വിദ്യാർഥികളായ പ്രൊഫ. കുര്യൻ ഐസക്ക്, പദ്മശ്രീ ജി.ശങ്കർ, പിഡബ്ല്യുഡി ചീഫ് എൻജിനീയർ ബീന എൽ., വി ശ്രീകുമാർ തുടങ്ങിയവർ പങ്കെടുത്തു. CETAA ജന. സെക്രട്ടറി ഡോ.അഭിലാഷ് സൂര്യൻ മോഡറേറ്ററായിരുന്നു. സിഇടി ഇന്നവേഷൻ അവാർഡ് ദേശീയ തലത്തിൽ നടത്തിയ ഇ-ബാജാ മത്സരത്തിൽ ഉന്നത വിജയം കരസ്ഥമാക്കിയ ടീം ഹെറാക്കിൾസിന് ചടങ്ങിൽ സമ്മാനിച്ചു.
Related News
പാലക്കാട് വീട്ടുമുറ്റത്ത് നിർത്തിയിട്ടിരുന്ന കാർ പൊട്ടിത്തെറിച്ചു; നാല് പേർക്ക് പരുക്ക്
‘ഹില്ലി അക്വാ’: ജനങ്ങളിലേക്കൊരു കുടിവെള്ള വിപ്ലവം
ലോകായുക്തയിൽ ഡെപ്യൂട്ടേഷൻ നിയമനം
ഐ ടി ഐ അഡ്മിഷൻ
