വയോജന സംഗമം നടത്തി
കുടുംബശ്രീ ജില്ലാ മിഷൻ, വെള്ളമുണ്ട ഗ്രാമപഞ്ചായത്ത് സിഡിഎസ് എന്നിവയുടെ നേതൃത്വത്തിൽ ബാണാസുര ഡാം പരിസരത്ത് ജില്ലാതല വയോജന സംഗമം ‘മധുരം’ സംഘടിപ്പിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡൻ്റ് ജസ്റ്റിൻ ബേബി ഉദ്ഘാടനം ചെയ്തു. വെള്ളമുണ്ട സി.ഡി.എസിന് കീഴിലെ 85 വയോജനങ്ങൾ സംഗമത്തിൽ പങ്കെടുത്തു.
കുടുംബശ്രീയുടെ നേതൃത്വത്തിൽ സംസ്ഥാനത്തുടനീളം 50 കേന്ദ്രങ്ങളിലായി നടത്തുന്ന വയോജന സംഗമത്തിൻ്റെ ഭാഗമായാണ് ബാണാസുരയിലും സംഗമം നടത്തിയത്. കുടുംബശ്രീ മിഷൻ ജില്ലാ കോർഡിനേറ്റർ പി.കെ ബാലസുബ്രമണ്യൻ അധ്യക്ഷത വഹിച്ചു. തിരൂർ ബ്ലോക്ക് പഞ്ചായത്ത് പ്രസിഡൻ്റ് കെ.ടി സാജിത മുഖ്യ പ്രഭാഷണം നടത്തി. സംഗമത്തോടനുബന്ധിച്ച് കലാപരിപാടികൾ, അനുഭവങ്ങൾ പങ്കുവെക്കൽ, ബോട്ടിംഗ് എന്നിവ നടത്തി.
കുടുംബശ്രീ ജില്ലാ മിഷൻ അസി. കോർഡിനേറ്റർ വി.കെ റജീന, സി.ഡി.എസ് ചെയർപേഴ്സൺ സി.എൻ സജ്ന, ജില്ലാ ആസൂത്രണ സമിതി ഉപാധ്യക്ഷൻ മംഗലശ്ശേരി നാരായണൻ,ജില്ലാ പ്രോഗ്രാം മാനേജർ കെ.ജെ ബിജോയ്, ബ്ലോക്ക് കോർഡിനേറ്റർമാരായ വി.കെ അനുശ്രീ, ടി.ജെ അതുല്ല്യ, അസിസ്റ്റന്റ് എൻജിനീയർ എം.സി ജോയി എന്നിവർ സംസാരിച്ചു.
Related News
മുണ്ടക്കൈ-ചൂരൽമല ടൗൺഷിപ്പ് പദ്ധതി: ഗുണഭോക്താക്കളുടെ കരട് പട്ടിക തയാറാവുന്നു
പുഷ്പാർച്ചന നടത്തി
'മെഡിക്കൽ കോളേജ് വാഗ്ദാനം ചെയ്തു, എം ടി രമേശ് കൈപ്പറ്റിയത് ഒമ്പത് കോടി'; ആരോപണവുമായി മുന് ബിജെപി നേതാവ്
റിപ്പോ നിരക്കിൽ മാറ്റമില്ല; റിസർവ് ബാങ്ക് പുതിയ പണനയം പ്രഖ്യാപിച്ചു