അറിയിപ്പുകൾ

News Desk

28 September 2022 11:50 AM

താൽക്കാലിക നിയമനം

………….

കോഴിക്കോട് മെഡിക്കൽ കോളേജ് മാതൃശിശു സംരക്ഷണ കേന്ദ്രത്തിനു കീഴിൽ പെരിനാറ്റൽ സോഷ്യൽ വർക്കർ തസ്തികയിലേക്ക് 24000 രൂപ പ്രതിമാസ വേതന അടിസ്ഥാനത്തിൽ ഒരു വർഷ കാലയളവിലേക്ക് താൽക്കാലിക നിയമനം നടത്തുന്നു. സെപ്റ്റംബർ 30 ന് 11 മണിക്ക് ഐ.എം.സി.എച്ച് സുപ്രണ്ട് ഓഫീസിൽ ഇന്റർവ്യൂവിന് നേരിട്ട് ഹാജരാകണം. കൂടുതൽ വിവരങ്ങൾക്ക്: 04952350708.

സ്‌പോട്ട് അഡ്മിഷൻ

…………..

കോളേജ് ഫോർ കോസ്റ്റ്യും ആന്റ് ഫാഷൻ ഡിസൈനിംഗിന്റെ ത്രിവത്സര ബി എസ് ഇ കോസ്റ്റ്യൂം ആന്റ് ഫാഷൻ ഡിസൈനിംഗ് കോഴ്‌സിലേക്ക്‌ സ്‌പോട്ട് അഡ്മിഷൻ ഒക്‌ടോബർ 1, 3 തീയ്യതികളിൽ പകൽ 11 മണിക്ക് നടക്കും. താല്പര്യമുള്ളവർ അസ്സൽ സർട്ടിഫിക്കറ്റുകൾ സഹിതം നേരിട്ട് ഹാജരാകേണ്ടതാണ്. കൂടുതൽ വിവരങ്ങൾക്ക് : 0497 2835390, 0497-2965390, 9495720870, വെബ്സൈറ്റ് : www.iihtkannur.ac.in

അപേക്ഷ ക്ഷണിച്ചു

………………..

സ്വന്തമായി താമസിക്കുന്നതിന് ചുറ്റുപാടോ സൗകര്യമോ ഇല്ലാതെ ബന്ധുക്കളുടെ ആശ്രയത്തിൽ കഴിയുന്ന 50 വയസ്സിന് മുകളിൽ പ്രായമുള്ള വിധവകളെ സംരക്ഷിക്കുന്നവർക്ക് പ്രതിമാസം 1000 രൂപ നിരക്കിൽ 2022-23 വർഷത്തിൽ ധനസഹായം അനുവദിക്കുന്നതിനുള്ള അപേക്ഷ ക്ഷണിച്ചു. ബി.പി.എൽ അല്ലാത്ത വിധവകളുടെ വാർഷിക വരുമാനം 1 ലക്ഷം രൂപയിൽ കവിയാൻ പാടില്ല. വിധവകൾ സർവ്വീസ് പെൻഷൻ / കുടുംബ പെൻഷൻ എന്നിവ കൈപ്പറ്റുന്നവരാകരുത്. വിധവകൾക്ക് പ്രായപൂർത്തിയായ മക്കൾ ഉണ്ടാവാൻ പാടില്ല. വിധവകളെ സംരക്ഷിക്കുന്ന അപേക്ഷകർ ക്ഷേമ പെൻഷനുകളോ സാമൂഹ്യനീതി നടപ്പിലാക്കുന്ന മറ്റു ധനസഹായങ്ങളോ(ആശ്വാസകിരണം,സമാശ്വാസം) ലഭിക്കുന്നവരായിരിക്കരുത്. മുൻ വർഷം ധനസഹായം ലഭിച്ചവർ വീണ്ടും അപേക്ഷ സമർപ്പിക്കേണ്ടതാണ്. www.schemes.wcd.kerala.gov.in വെബ്സൈറ്റ് വഴി ഒക്ടോബർ 20 ന് മുൻപ് ഓൺലൈൻ അപേക്ഷ സമർപ്പിക്കേണ്ടതാണ്. കൂടുതൽ വിവരങ്ങൾക്ക് അടുത്തുള്ള അങ്കണവാടിയുമായോ ബ്ലോക്ക് തലത്തിൽ പ്രവർത്തിക്കുന്ന ശിശു വികസന പദ്ധതി ഓഫീസുമായോ ബന്ധപ്പെടേണ്ടതാണ്.

താൽക്കാലിക നിയമനം

………………

ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന വടകര മോഡൽ പോളിടെക്നിക്‌ കോളേജിൽ 2022-2023 അദ്ധ്യയന വർഷത്തേക്ക്‌ ഫിസിക്സ് , കെമിസ്ട്രി , മാത്തമാറ്റിക്സ് , ഇംഗ്ലീഷ് ലക്ച്ചറർ തസ്തികകളിലേക്ക്‌ താൽക്കാലിക നിയമനം നടത്തുന്നു. താല്പര്യമുള്ളവർ എല്ലാ സർട്ടിഫിക്കറ്റുകളുടെയും അസ്സലും, കോപ്പികളും സഹിതം ഹാജരാവേണ്ടതാണ്. വിശദ വിവരങ്ങൾക്ക് 0496 2524920.

തിയതി നീട്ടി

…………………

കോഴിക്കോട് ദേശീയ ആരോഗ്യദൗത്യത്തിനു കീഴിൽ പീഡിയാട്രീഷൻ,മെഡിക്കൽ ഓഫീസർ, സ്റ്റാഫ് നഴ്‌സ്, പിആർഒ, ജെപിഎച്ച്എൻ, ആർബിഎസ്‌കെ, നഴ്‌സ് എന്നീ തസ്തികകളിലേക്ക് കരാർ/ദിവസ വേതനാടിസ്ഥാനത്തിലുളള നിയമനത്തിനായി അപേക്ഷകൾ സ്വീകരിക്കുന്നതിനുളള സമയപരിധി ഒക്ടോബർ മൂന്നു വരെ നീട്ടി. അന്നേദിവസം വൈകുന്നേരം 5 മണിക്കു മുൻപായി അപേക്ഷ സമർപ്പിക്കണം.

സീറ്റ് ഒഴിവ്

……………..

മണിയൂർ ഗവ: ഐ.ടി.ഐ യിൽ നോൺ മെട്രിക് ട്രേഡിലും പട്ടിക വർഗ്ഗ (എസ്.ടി) വിഭാഗത്തിലും ഓരോ സീറ്റ് ഒഴിവുണ്ട്. താല്പര്യമുളളവർ സെപ്റ്റംബർ 28 ന് 10:30 ന് എസ് എസ് എൽ സി , പ്ലസ് 2, ആധാർ തുടങ്ങിയവയുടെ ഒറിജിനൽ സർട്ടിഫിക്കറ്റുകളും ,കോപ്പികളുമായി ഗവ: ഐ.ടി.ഐ ഓഫീസിൽ ഹാജരാകേണ്ടതാണ്. കൂടുതൽ വിവരങ്ങൾക്ക് : 0496 2537970.

ലേലം

……………

മുതലക്കുളം ശ്രീ ഭദ്രകാളി ക്ഷേത്രത്തിലെ പുറക് വശത്തെ രണ്ട് തെങ്ങുകളും മുൻവശത്തെ ഒരു ചീനി മരവും ലേലം ചെയ്യുന്നു. ഒക്ടോബർ 5 ന് 11 മണിക്ക് ക്ഷേത്ര പരിസരത്താണ് ലേലം. കൂടുതൽ വിവരങ്ങൾക്ക് ഫോൺ :0496 2722673.

അപേക്ഷ ക്ഷണിച്ചു

…………….

ജെൻഡർ റിസോഴ്സ് സെൻറർ പ്രവർത്തനത്തിന് കമ്മ്യൂണിറ്റി വിമൻ ഫെസിലിട്ടേറ്ററെ നിയമിക്കുന്നു. യോഗ്യത : എം എസ് ഡബ്ല്യൂ / എം എ സോഷ്യോളജി / എം എസ് സി സൈക്കോളജി, വുമൺ സ്റ്റഡീസ്. സമാന മേഖലയിൽ ഒരു വർഷത്തെ പ്രവൃത്തി പരിചയവും കമ്പ്യൂട്ടർ പരിജ്ഞാനം, ഡ്രൈവിംഗ് ലൈസൻസ് എന്നിവ അഭികാമ്യമാണ്. പ്രായ പരിധി 22-35.

താൽപര്യമുള്ള വനിതാ ഉദ്യോഗാർത്ഥികൾ വെള്ളക്കടലാസിൽ തയാറാക്കിയ ബയോഡാറ്റയും സർട്ടിഫിക്കറ്റുകളുടെ പകർപ്പും സഹിതം നേരിട്ടോ തപാൽ മുഖാന്തിരമോ ഒക്ടോബർ ഒന്നിനകം അപേക്ഷിക്കണം.വിലാസം :ശിശു വികസന പദ്ധതി ഓഫീസർ കുന്നുമ്മൽ,ഐസിഡിഎസ് പ്രോജക്റ്റ് ഓഫീസ്,കുറ്റ്യാടി പോസ്റ്റ്‌, പിൻ-673508.

താത്കാലിക ഒഴിവ്

………………

ജില്ലയിലെ കിർത്താഡ്‌സ്‌ സ്ഥാപനത്തിലേക്ക് റിസർച്ച് അസിസ്റ്റന്റ് തസ്തികയിൽ ഒരു താത്കാലിക നിയമനം നടത്തുന്നു. യോഗ്യത:ഫസ്റ്റ് /സെക്കൻഡ് ക്ലാസ്സ് മാസ്റ്റേഴ്‌സ് ഡിഗ്രീ ഇൻ ആന്ത്രോപോളജി. ഒക്ടോബർ 3 ന് മുമ്പ് ബന്ധപ്പെട്ട പ്രൊഫഷണൽ ആന്റ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചിൽ നേരിട്ട് ഹാജരായി പേര് രജിസ്റ്റർ ചെയ്യണം.

അപേക്ഷ ക്ഷണിച്ചു

………………

നരിക്കുനി സി.എച്ച്.സി.യിൽ സ്പീച്ച് ആൻഡ് ലാംഗ്വേജ് പാത്തോളജിസ്റ്റിന്റെ നിലവിലുള്ള ഒരു ഒഴിവിലേക്ക് കരാർ അടിസ്ഥാനത്തിൽ നിയമനം നടത്തുന്നതിന് അപേക്ഷ ക്ഷണിച്ചു. യോഗ്യത: ബി എസ് എൽ പി & ആർ സി ഐ. അപേക്ഷ ഒക്ടോബർ പത്തിനകം ചേളന്നൂർ ബ്ലോക്ക് പഞ്ചായത്ത് സെക്രട്ടറിയുടെ ഓഫീസിൽ സമർപ്പിക്കേണ്ടതാണ്. വിലാസം : സെക്രട്ടറി ചേളന്നൂർ ബ്ലോക്ക് പഞ്ചായത്ത് ഓഫീസ് ചേളന്നൂർ (പി.ഒ)ചേളന്നൂർ – 67361 ഇമെയിൽ : chelannurblock@gmail.com കൂടുതൽ വിവരങ്ങൾക്ക് ഫോൺ : 0495 2260272.

അഡ്മിഷൻ

…………………..

മാളിക്കടവിലെ ഗവ: വനിത: ഐ.ടി ഐയിൽ ഒഴിവുളള ഏതാനും സീറ്റിലേക്ക് സ്പോട്ട് അഡ്മിഷൻ നടത്തുന്നു. അപേക്ഷകർ എല്ലാ രേഖകളും ഫീസും സഹിതം നേരിട്ടു ഹാജരായി ഒഴിവുളള ട്രേഡുകളിൽ പ്രവേശനം നേടണം . കൂടുതൽ വിവരങ്ങൾക്ക്: 8593829398, 0495-2373976.