ആപ്പിള് ഐ ഫോണുകളുടെ വില ഉയര്ത്തിയേക്കും
ഇന്ത്യ-ചൈന താരിഫ് പോരിന്റെ പശ്ചാത്തലത്തില് ആപ്പിള് ഐഫോണുകളുടെ വില ഉയര്ത്തിയേക്കുമെന്ന് റിപ്പോര്ട്ട്. വരുന്ന ആപ്പിള് ഐഫോണ് 17ന് പുതുക്കിയ വിലയായിരിക്കുമെന്നാണ് റിപ്പോര്ട്ടുകള് പറയുന്നത്. വില വര്ധനവ് ഉണ്ടാകുമെങ്കിലും ചൈനയില് നിന്നുള്ള ഇറക്കുമതിയുടെ താരിഫ് വര്ധന മൂലമാണ് വില കൂടുന്നതെന്ന് തുറന്ന് പറയാന് കമ്പനി താത്പര്യപ്പെടുന്നില്ലെന്ന് വാള് സ്ട്രീറ്റ് ജേണല് റിപ്പോര്ട്ടില് പറയുന്നു.
അമേരിക്കയും ചൈനയും തമ്മിലുള്ള താരിഫ് പോരില് ഏറ്റവുമധികം വലയുന്ന കമ്പനികളിലൊന്ന് ആപ്പിളാണ്. അമേരിക്കയും ചൈനയും താരിഫ് താല്ക്കാലികമായി കുറയ്ക്കാന് സമ്മതിച്ചതിനെത്തുടര്ന്ന് വിപണിയില് ആപ്പിള് കമ്പനിയുടെ ഓഹരികളുടെ മൂല്യം 7 ശതമാനത്തിലേറെ ഉയര്ന്നിരുന്നു. എന്നിരിക്കിലും ചൈനീസ് ഇറക്കുമതികള്ക്ക് യുഎസില് ഇപ്പോഴും 30 ശതമാനം താരിഫ് നല്കേണ്ടി വരും.
താരിഫ് പോര് മൂലം തങ്ങള്ക്ക് ഈ വര്ഷം 900 മില്യണ് കോടി രൂപ അധിക ചെലവ് വരുമെന്ന് ആപ്പിള് സിഇഒ ടിം കുക്ക് തന്നെ സമ്മതിച്ചിരുന്നു. ഹൈ എന്ഡ് ഫോണുകള്ക്കായിരിക്കും ആദ്യഘട്ടത്തില് വില വര്ധനയുണ്ടാകുകയെന്ന് വാള്സ്ട്രീറ്റ് ജേണല് റിപ്പോര്ട്ടില് പറയുന്നു. വില വര്ധനവിനെക്കുറിച്ച് റിപ്പോര്ട്ട് പുറത്തുവന്നതിന് പിന്നാലെ വാര്ത്താ ഏജന്സിയായ റോയിട്ടേഴ്സ് ആപ്പിളിനോട് പ്രതികരണം തേടിയെങ്കിലും കമ്പനി പ്രതികരിക്കാന് തയ്യാറായില്ല.
Related News
വനിതകള്ക്ക് സൗജന്യ ബസ് യാത്ര, നീക്കം തുടങ്ങി KSRTC
ബംഗാളിൽ ആദ്യ ബിജെപി മുഖ്യമന്ത്രി; സുവേന്ദു അധികാരി നാളെ സത്യപ്രതിജ്ഞ ചെയ്യും
വിജയ് തമിഴ്നാട് മുഖ്യമന്ത്രിയാകും! നാളെ സത്യപ്രതിജ്ഞ ചെയ്യും
'വി ഡി സതീശനെ മുഖ്യമന്ത്രിയാക്കണം'; പെട്രോള് ദേഹത്തൊഴിച്ച് ലൈറ്ററുമായി കോണ്ഗ്രസ് പ്രവര്ത്തകൻ
