കീരിക്കാടൻ ജോസിന് വിട; നടന് മോഹന് രാജ് അന്തരിച്ചു
സിനിമയിൽ അവതരിപ്പിച്ച കഥാപാത്രമായ കീരിക്കാടന് ജോസ് എന്ന പേരില് പിൽക്കാലത്തിൽ ശ്രദ്ധേയനായ നടന് മോഹന് രാജ് അന്തരിച്ചു. ദീർഘകാലമായി പാര്ക്കിന്സണ്സ് അസുഖബാധിതനായി ചികിത്സയില് ആയിരുന്നു. തിരുവനന്തപുരം കാഞ്ഞിരംകുളത്തെ വീട്ടില് വെച്ചായിരുന്നു അന്ത്യം.
ഇന്ത്യൻ കസ്റ്റംസില് എന്ഫോഴ്സ്മെന്റ് ഉദ്യോഗസ്ഥന് ആയിരുന്നു. ജോലിയില് നിന്ന് വിരമിച്ചശേഷം കുടംബത്തോടൊപ്പം ചെന്നൈയിലായിരുന്നു താമസം. ആയുര്വേദ ചികിത്സയ്ക്കായി ചെന്നൈയില് നിന്ന് ഒരു വര്ഷം മുമ്പാണ് തിരുവനന്തപുരത്ത് എത്തിയത്. ഭാര്യ: ഉഷ, മക്കള്: ജെയ്ഷ്മ, കാവ്യ
ഏകദേശം 300 ഓളം സിനിമകളില് അഭിനയിച്ചിട്ടുണ്ട്. കെ മധു സംവിധാനം ചെയ്ത ‘മൂന്നാം മുറ’ എന്ന മോഹന്ലാല് ചിത്രത്തിലൂടെയാണ് മലയാള സിനിമയില് എത്തുന്നത് . കിരീടം ആയിരുന്നു രണ്ടാമത്തെ ചിത്രം. സിനിമയിലെ കീരിക്കാടന് ജോസ് എന്ന കഥാപാത്രത്തിലാണ് പില്ക്കാലത്ത് മോഹന്രാജ് അറിയപ്പെട്ടത്. മലയാളത്തിന് പുറമെ തെലുങ്ക്, തമിഴ് ഭാഷകളില് അഭിനയിച്ചിട്ടുണ്ട്. അര്ത്ഥം, വ്യൂഹം, രാജവാഴ്ച, മറുപുറം, പുറപ്പാട്, കാസര്കോട് കാദര്ഭായ്, ഉപ്പുകണ്ടം ബ്രദേഴ്സ്, ചെങ്കോല്, ആറാം തമ്പുരാന്, വാഴുന്നോര്, പത്രം, നരസിംഹം എന്നിവയാണ് അഭിനയിച്ച പ്രധാന മലയാള ചിത്രങ്ങള്.
Related News
വനിതകള്ക്ക് സൗജന്യ ബസ് യാത്ര, നീക്കം തുടങ്ങി KSRTC
ബംഗാളിൽ ആദ്യ ബിജെപി മുഖ്യമന്ത്രി; സുവേന്ദു അധികാരി നാളെ സത്യപ്രതിജ്ഞ ചെയ്യും
വിജയ് തമിഴ്നാട് മുഖ്യമന്ത്രിയാകും! നാളെ സത്യപ്രതിജ്ഞ ചെയ്യും
'വി ഡി സതീശനെ മുഖ്യമന്ത്രിയാക്കണം'; പെട്രോള് ദേഹത്തൊഴിച്ച് ലൈറ്ററുമായി കോണ്ഗ്രസ് പ്രവര്ത്തകൻ
