'നാഷണലിസ്റ്റ് കോണ്‍ഗ്രസ് പാര്‍ട്ടി-ശരദ്ചന്ദ്ര പവാര്‍'; NCP ശരദ് പവാര്‍ പക്ഷത്തിന് പുതിയ പേര്
എൻ.സി.പി. ശരദ് പവാർ പക്ഷത്തിന് പുതിയ പേര് അനുവദിച്ച്‌ തിരഞ്ഞെടുപ്പ് കമ്മിഷൻ. നാഷണലിസ്റ്റ് കോണ്‍ഗ്രസ് പാർട്ടി-ശരദ്ചന്ദ്ര പവാർ എന്നാണ് പുതിയ പേര്.
അജിത് പവാർ നേതൃത്വം നല്‍കുന്നതാണ് യഥാർഥ എൻ.സി.പി. എന്ന് ചൊവ്വാഴ്ച തിരഞ്ഞെടുപ്പു കമ്മിഷൻ പ്രഖ്യാപിച്ചിരുന്നു. പാർട്ടിയുടെ പേരും ഔദ്യോഗിക ചിഹ്നമായ ക്ലോക്കും അജിത് പവാർ പക്ഷത്തിന് നല്‍കിയ കമ്മിഷൻ, ബുധനാഴ്ച പുതിയ പേരും ചിഹ്നവും സമർപ്പിക്കാൻ ശരദ് പവാർപക്ഷത്തിന് നിർദേശം നല്‍കുകയും ചെയ്തിരുന്നു.
1999-ലാണ് ശരദ് പവാർ എൻ.സി.പി. സ്ഥാപിച്ചത്. അനന്തരവൻ കൂടിയായ അജിത് പവാർ ഭൂരിപക്ഷം എം.എല്‍.എമാരുമായി ഏകനാഥ് ഷിന്ദേ സർക്കാരില്‍ ചേർന്നതോടെയാണ് എൻ.സി.പി. പിളർന്നതും ഔദ്യോഗിക പാർട്ടി ഏതെന്നുമുള്ള ചോദ്യം ഉയർന്നതും.
നാഷണലിസ്റ്റ് കോണ്‍ഗ്രസ് പാർട്ടി ശരദ് ചന്ദ്ര പവാർ, നാഷണലിസ്റ്റ് കോണ്‍ഗ്രസ് പാർട്ടി ശരദ് റാവു പവാർ, എൻ.സി.പി. ശരദ് പവാർ എന്നീ മൂന്നുപേരുകളാണ് ശരദ് പവാർപക്ഷം തിരഞ്ഞെടുപ്പു കമ്മിഷൻ മുൻപാകെ സമർപ്പിച്ചത്. അതേസമയം പേരും ചിഹ്നവും അജിത് പവാർപക്ഷത്തിന് നല്‍കിയ തിരഞ്ഞെടുപ്പു കമ്മിഷൻ തീരുമാനത്തിനെതിരേ സുപ്രീം കോടതിയെ സമീപിക്കുമെന്ന് ശരദ് പവാർ പക്ഷം വ്യക്തമാക്കിയിട്ടുണ്ട്.
Related News
അദാനി ഗ്രൂപ്പിന് ക്ലീന്‍ ചിറ്റ് നല്‍കി സെബി
വിദ്യാര്ഥികളുടെ ആരോഗ്യനിലവാരം നിലനിര്ത്താന് നടപടികള്
രാഹുല്‍ ഗാന്ധിയുടെ ആരോപണങ്ങള്‍ തള്ളി തിരഞ്ഞെടുപ്പ് കമ്മിഷന്‍
ബീച്ച് ശുചീകരണ ക്യാമ്പയിന് 20ന്
