സ്വര്ണ വിലയില് വീണ്ടും കുതിപ്പ്
സംസ്ഥാനത്ത് സ്വര്ണ വിലയില് വീണ്ടും വര്ധനവ്. ഇന്ന് ഗ്രാമിന് 110 രൂപയും പവന് 880 രൂപയും വര്ധിച്ചു. ഇതോടെ പവന് 1,16,320 രൂപയും ഗ്രാമിന് 14,540 രൂപയുമായി ഉയര്ന്നു. 22 കാരറ്റിനൊപ്പം 18, 14, 9 കാരറ്റ് സ്വര്ണത്തിന്റെ വിലയും ഉയര്ന്നിട്ടുണ്ട്. കഴിഞ്ഞ ഏതാനും ദിവസം കൂപ്പുകുത്തിയ സ്വര്ണ വിലയാണ് വീണ്ടും ഉയര്ന്ന് തുടങ്ങുന്നത്. 18 കാരറ്റ് സ്വർണം ഗ്രാമിന് 90 രൂപ കൂടി 11,945 രൂപയായി. ഒരു പവനാകട്ടെ 95,560 രൂപയും. കൂടാതെ വെള്ളി വിലയിലും നേരിയ വര്ധനവാണ് ഇന്ന് രേഖപ്പെടുത്തിയിട്ടുള്ളത്. അഞ്ച് രൂപയാണ് ഗ്രാമിന് ഇന്ന് കൂടിയത്. 275 രൂപയാണ് ഇന്നത്തെ വെള്ളി നിരക്ക്.
അതേസമയം ഇന്നലെ (മാർച്ച് 16) രണ്ട് തവണയാണ് സ്വർണ വില കുറഞ്ഞത്. അതോടെ ഒരു പവന് സ്വർണത്തിന് 1,15,440 രൂപയും ഗ്രാമിന് 14,430 രൂപയുമാണ് രേഖപ്പെടുത്തിയിരുന്നത്. ഇറാന്-ഇസ്രയേല്, യുഎസ് സംഘർഷത്തിന് പിന്നാലെ സ്വർണ വില ഉയർന്നും കുറഞ്ഞും തുടരുകയാണ്.
Related News
ആന്റണി രാജുവിന് തിരിച്ചടി; മത്സരിക്കാനാവില്ല
തിരുവനന്തപുരം മെഡിക്കല് കോളേജിലെ അത്യാഹിത വിഭാഗത്തില് തീപിടിത്തം; രോഗികളെ മാറ്റി
അഖിൽ മാരാർ തൃക്കാക്കരയിൽ എൻഡിഎ സ്ഥാനാർഥി
