ആദ്യ ദിനം 23 വിക്കറ്റ്; തിരിച്ചടിച്ച് ദക്ഷിണാഫ്രിക്ക; ഇന്ത്യ 153 റണ്ണിന് ഓൾ ഔട്ട്; 98 റൺസ് ലീഡ്; ഒരേ സ്‌കോറിൽ 6 വിക്കറ്റ്

News Desk

03 January 2024 10:02 PM

കേപ്ടൗൺ ടെസ്റ്റിൽ ഇന്ത്യയ്ക്ക് പിന്നാലെ ദക്ഷിണാഫ്രിക്കയുടെയും തകർപ്പൻ ബൗളിം​ഗ്. ആദ്യ ഇന്നിം​ഗ്സിൽ ദക്ഷിണാഫ്രിക്ക സ്കോർ ചെയ്തത് വെറും 55 റൺസ്. എന്നാൽ മറുപടി പറഞ്ഞ ഇന്ത്യൻ ബാറ്റർമാർ വെറും 153 റൺസിൽ ഓൾ ഔട്ടായി. ഇന്ത്യയുടെ അവസാന ആറ് വിക്കറ്റുകൾ ഒരു റൺസ് പോലും എടുക്കാനാവാതെ നഷ്ടമായി. 98 റൺസിന്റെ ഒന്നാം ഇന്നിം​ഗ്സ് ലീഡാണ് ഇന്ത്യയ്ക്ക് നേടാനായത്.

ത്സരത്തിൽ ടോസ് നേടിയ ദക്ഷിണാഫ്രിക്ക ബാറ്റിം​ഗ് തിരഞ്ഞെടുക്കുകയായിരുന്നു. മുഹമ്മദ് സിറാജിന്റെ മിന്നലാക്രമണത്തിൽ ദക്ഷിണാഫ്രിക്ക തകർന്നടിഞ്ഞു. ഒമ്പത് ഓവറിൽ മൂന്ന് മെയ്ഡനടക്കം 15 റൺസ് വിട്ടുനൽകി സിറാജ് ആറ് വിക്കറ്റ് വീഴ്ത്തി. ആദ്യ ഇന്നിം​ഗ്സിൽ ദക്ഷിണാഫ്രിക്ക നേടിയത് 55 റൺസ് മാത്രം.

മറുപടി ബാറ്റിം​ഗിൽ ലീഡ് നേടിയെന്നൊഴിച്ചാൽ ഇന്ത്യയ്ക്ക് എടുത്ത് പറയാൻ ഒന്നുമില്ല. 46 റൺസെടുത്ത വിരാട് കോഹ്‌ലി ഇന്ത്യയുടെ ടോപ് സ്കോററായി. രോഹിത് ശർമ്മ 39ഉം ശുഭ്മാൻ ​ഗിൽ 36ഉം റൺസെടുത്തു. യശസി ജയ്സ്വാൾ, ശ്രേയസ് അയ്യർ, രവീന്ദ്ര ജഡേജ എന്നിവരുൾപ്പടെ ആറ് പേർ പൂജ്യത്തിന് പുറത്തായി. ദക്ഷിണാഫ്രിക്കൻ നിരയിൽ ക​ഗീസോ റബാഡ, നന്ദ്രേ ബ​ർ​ഗർ, ലുൻ‌​ഗി എൻ​ഗിഡി എന്നിവർ മൂന്ന് വിക്കറ്റുകൾ വീഴ്ത്തി.

ആദ്യ ദിനം അവസാനിക്കുമ്പോൾ രണ്ടാം ഇന്നിങ്സിന് ഇറങ്ങിയ ദക്ഷിണാഫ്രിക്കയുടെ 3 വിക്കറ്റുകൾ ഇതിനോടകം നഷ്ടമായി. 12 റൺസെടുത്ത ക്യാപ്റ്റൻ എൽഗറിനെയും ഒരു റൺ എടുത്ത ടോണിയെ മുകേഷ് കുമാറും ഒരു റൺ എടുത്ത സ്റ്റബ്‌സിനെ ബുമ്രയും പുറത്താക്കി. നിലവിൽ 3 വിക്കറ്റ് നാശത്തിൽ 62 റൺസ് എന്ന നിലയിലാണ്. 36 റൺസുമായി ഐഡൻ മാർക്രവും 7 റൺസുമായി ഡേവിഡ് ബെഡിങ്മാണ് ക്രീസിൽ.