കൊൽക്കത്ത നൈറ്റ് റൈഡേഴ്സിൽ തിരിച്ചെത്തി ഗംഭീർ

News Desk

22 November 2023 09:51 PM

ഇന്ത്യൻ മുൻ താരം ​ഗൗതം ​ഗംഭീർ പുതിയ റോളുമായി ഐപിഎൽ ടീം കൊൽക്കത്ത നൈറ്റ് റൈഡേഴ്സിൽ തിരിച്ചെത്തി. ക്ലബിന്റെ ഉപദേശകനായാണ് കൊൽക്കത്തയുടെ മുൻ നായകൻ കൂടിയായിരുന്ന ​ഗംഭീർ തിരിച്ചെത്തുന്നത്. രണ്ട് വർഷത്തെ ലക്നൗ സൂപ്പർ ജയൻ്റ്സുമായുള്ള കരാർ ​ഗംഭീർ അവസാനിപ്പിച്ചു. വികാരഭരിതമായ കുറിപ്പോടെയാണ് ​ഗംഭീർ ലക്നൗവിൽ നിന്ന് വിടവാങ്ങുന്നത്.

ലക്നൗ സൂപ്പർ ജയന്റ്സിനൊപ്പമുള്ള തന്റെ യാത്രയ്ക്ക് അവസാനമാകുന്നതായി ​ഗംഭീർ എക്സ് പ്ലാറ്റ്ഫോമിൽ കുറിച്ചു. ഈ യാത്ര അവിസ്മരണീയമാക്കിയ താരങ്ങൾക്കും പരിശീലകനും മറ്റ് അം​ഗങ്ങൾക്കും നന്ദി പറയുന്നു. ലക്നൗവിന് എല്ലാ ആശംസകളും നേരുന്നതായും ​ഗംഭീർ പറഞ്ഞു. കൊൽക്കത്ത നൈറ്റ് റൈഡേഴ്സിൽ തിരിച്ചെത്തിയതിലും താരം തന്റെ സന്തോഷം പ്രകടിപ്പിച്ചു.

​ഗംഭീർ എക്കാലവും കൊൽക്കത്തയുടെ ഭാ​ഗമാണെന്നായിരുന്നു ഉടമ ഷാരൂഖ് ഖാന്റെ പ്രതികരണം. മുമ്പ് നായകനായിരുന്നുവെങ്കിൽ ഇപ്പോൾ ഉപദേശക റോളിലാണെന്ന് മാത്രമെന്നും ഷാരുഖ് പറഞ്ഞു. ഐപിഎല്ലിൽ കൊൽക്കത്തയ്ക്ക് രണ്ട് കിരീടങ്ങൾ നേടി നൽകിയ നായകനായിരുന്നു ​ഗൗതം ​ഗംഭീർ.