ഇന്ത്യക്ക് തുടർച്ചയായ അഞ്ചാം ജയം; ന്യൂസിലൻഡിനെ 4 വിക്കറ്റിന് തകർത്തു
ഏകദിന ലോകകപ്പില് ഇന്ത്യയ്ക്ക് തുടര്ച്ചയായ അഞ്ചാം വിജയം. ധര്മ്മശാലയില് നടന്ന മത്സരത്തില് ഇന്ത്യ നാല് വിക്കറ്റിന് ന്യൂസിലന്ഡിനെ തകര്ത്തെറിഞ്ഞു. ന്യൂസിലന്ഡ് മുന്നോട്ട് വെച്ച 274 റണ്സെന്ന വിജയലക്ഷ്യം 48-ാം ഓവറില് വെറും ആറ് വിക്കറ്റ് നഷ്ടത്തില് ഇന്ത്യ മറികടന്നു. ന്യൂസിലന്ഡിന്റെ ആദ്യ പരാജയമാണിത്. വിരാട് കോഹ്ലിയുടെ തകര്പ്പന് ഇന്നിങ്സാണ് ഇന്ത്യക്ക് ആവേശവിജയം സമ്മാനിച്ചത്. വിജയത്തോടെ ഇന്ത്യ പോയിന്റ് ടേബിളില് ഒന്നാം സ്ഥാനത്തെത്തി. 95 റൺസ് നേടിയ വിരാട് കോലിയാണ് ഇന്ത്യയുടെ ടോപ്പ് സ്കോറർ. ന്യൂസീലൻഡിനായി ലോക്കി ഫെർഗൂസൻ 2 വിക്കറ്റ് വീഴ്ത്തി.
74 റൺസ് പിന്തുടർന്നിറങ്ങിയ ഇന്ത്യക്ക് മികച്ച തുടക്കമാണ് ലഭിച്ചത്. ആക്രമിച്ചുകളിച്ച രോഹിത് ശർമയും ശുഭ്മൻ ഗില്ലും ചേർന്ന് ആദ്യ വിക്കറ്റിൽ 71 റൺസ് കൂട്ടിച്ചേർത്തു. രോഹിതായിരുന്നു കൂടുതൽ അപകടകാരി. അനായാസം സിക്സറുകൾ നേടിയ ഫിഫ്റ്റിയിലേക്കുള്ള കുതിപ്പിനിടെ ദൗർഭാഗ്യകരമായി പ്ലെയ്ഡ് ഓൺ ആയി. 40 പന്തിൽ 46 റൺസ് നേടിയാണ് രോഹിത് മടങ്ങിയത്. ഏറെ വൈകാതെ 31 പന്തിൽ 26 റൺസ് നേടി ഗില്ലും മടങ്ങി. ലോക്കി ഫെർഗൂസനാണ് ഇരുവരെയും വീഴ്ത്തിയത്.
ആദ്യം ബാറ്റ് ചെയ്ത ന്യൂസീലൻഡ് നിശ്ചിത 50 ഓവറിൽ 273 റൺസിന് ഓൾ ഔട്ടായി. റൺസ് 130 റൺസ് നേടിയ ഡാരിൽ മിച്ചലാണ് ന്യൂസീലൻഡിൻ്റെ ടോപ്പ് സ്കോറർ. രചിൻ രവീന്ദ്ര 75 റൺസ് നേടി പുറത്തായി. ഇന്ത്യക്കായി മുഹമ്മദ് ഷമി 5 വിക്കറ്റ് വീഴ്ത്തി. അവസാന ഓവറുകളിൽ ഇന്ത്യൻ ബൗളർമാരുടെ തകർപ്പൻ ബൗളിംഗാണ് ന്യൂസീലൻഡിനെ 300 കടക്കാതെ തടഞ്ഞത്.