2023 ലോകകപ്പിലെ ആദ്യ മത്സരത്തിൽ ധര്മ്മശാലയില് പുതുചരിത്രമെഴുതി ഷമി
ന്യൂസിലന്ഡിനെതിരെ അഞ്ച് വിക്കറ്റ് വീഴ്ത്തിയതോടെ ചരിത്ര നേട്ടവുമായി ഇന്ത്യന് പേസര് മുഹമ്മദ് ഷമി. ലോകകപ്പില് രണ്ട് തവണ അഞ്ച് വിക്കറ്റ് നേടുന്ന ആദ്യ ഇന്ത്യന് താരമെന്ന ബഹുമതിയാണ് ഷമി സ്വന്തം പേരിലെഴുതിച്ചേര്ത്തത്. നേരത്തെ 2019ലെ ലോകകപ്പില് ഇംഗ്ലണ്ടിനെതിരെയും താരം അഞ്ച് വിക്കറ്റുകള് നേടിയിരുന്നു. ആകെ 12 ലോകകപ്പ് മത്സരങ്ങളില് നിന്ന് 36 വിക്കറ്റുകളാണ് ഷമിയുടെ സമ്പാദ്യം. ലോകകപ്പില് അഞ്ച് തവണ നാല് വിക്കറ്റ് നേട്ടവും ഷമിയുടെ പേരിലുണ്ട്.
48 വര്ഷത്തെ ലോകകപ്പ് ചരിത്രത്തില് ഒരു ഇന്ത്യന് താരത്തിനും കൈവരിക്കാന് കഴിയാത്ത നേട്ടമാണ് ഷമി ഇന്ന് ധര്മ്മശാലയില് സ്വന്തമാക്കിയത്. കപില് ദേവ്, വെങ്കിടേഷ് പ്രസാദ്, റോബിന് സിങ്, യുവരാജ് സിങ് എന്നീ ഇന്ത്യന് താരങ്ങള് ലോകകപ്പില് ഓരോ തവണ അഞ്ച് വിക്കറ്റ് നേടിയിരുന്നു.