അപകീർത്തിക്കേസ്: രാഹുലിന്റെ ഹർജിയിൽ സുപ്രീംകോടതി സ്റ്റേ നൽകിയില്ല
രാഹുൽ ഗാന്ധിക്കെതിരായ അപകീർത്തി കേസിലെ ശിക്ഷാവിധിക്ക് ഇടക്കാല സ്റ്റേ അനുവദിക്കാതെ സുപ്രീം കോടതി. രാഹുൽ ഗാന്ധി സമർപ്പിച്ച ഹർജിയിൽ പരാതിക്കാരനായ പൂർണേഷ് മോദിക്കും ഗുജറാത്ത് സർക്കാരിനും സുപ്രീം കോടതി നോട്ടീസ് അയച്ചു. പത്ത് ദിവസത്തിനകം മറുപടി നൽകണം. ഹർജിയിൽ ഓഗസ്റ്റ് നാലിന് വീണ്ടും സുപ്രീം കോടതി വാദം കേൾക്കും. ജസ്റ്റിസ് ബി ആര് ഗവായ്യും ജസ്റ്റിസ് പ്രശാന്ത് കുമാര് മിശ്രയും അടങ്ങിയ ബഞ്ചാണ് കേസ് പരിഗണിച്ചത്.
നേരത്തെ ഗുജറാത്ത് ഹൈക്കോടതി, രാഹുല് ഗാന്ധിയെ ശിക്ഷിച്ച കീഴ്ക്കോടതി നടപടി സ്റ്റേ ചെയ്യാന് വിസമ്മതിച്ചിരുന്നു. ഇതേ തുടര്ന്നാണ് ജൂലൈ 15ന് രാഹുല് ഗാന്ധി സുപ്രീം കോടതിയില് അപ്പീല് നല്കിയത്. കീഴ്ക്കോടതിയുടെ വിധി സ്റ്റേ ചെയ്തില്ലെങ്കില് അത് സ്വതന്ത്രമായി അഭിപ്രായം പറയാനും സ്വതന്ത്രമായി ചിന്തിക്കാനും സ്വതന്ത്രമായി നിലപാടു പറയാനുമുള്ള അവകാശത്തെ ശ്വാസം മുട്ടിക്കുമെന്ന് ഹര്ജിയില് രാഹുല് ഗാന്ധി വ്യക്തമാക്കിയിട്ടുണ്ട്.