മെറ്റയുടെ പുതിയ മൈക്രോബ്ലോഗിങ് പ്ലാറ്റ്‌ഫോം ത്രെഡില്‍ ആദ്യ പോസ്റ്റ് പങ്കുവെച്ച് മുഖ്യമന്ത്രി പിണറായി വിജയന്‍. കേരളത്തിന്റെ തൊഴിലുറപ്പുനേട്ടമാണ് മുഖ്യമന്ത്രി പങ്കുവെച്ചത്. തൊഴിലുറപ്പ് പദ്ധതിയില്‍ കേരളത്തിന്റെ നേട്ടങ്ങളില്‍ അഭിമാനിക്കുന്നുവെന്ന് മുഖ്യമന്ത്രി കുറിച്ചു.

'തൊഴിലുറപ്പ് പദ്ധതിയില്‍ കേരളത്തിന്റെ മാതൃകാപരമായ നേട്ടങ്ങളില്‍ അഭിമാനിക്കുന്നു. 965.67 ലക്ഷം തൊഴില്‍ ദിനങ്ങള്‍ നമ്മള്‍ സൃഷ്ടിക്കുന്നു. ദേശീയ ശരാശരി മറികടന്ന് 15,51,272 കുടുംബത്തെ ശാക്തീകരിച്ചു. 867.44 ലക്ഷം തൊഴില്‍ ദിനങ്ങള്‍ സ്ത്രീകള്‍ക്ക് നല്‍കാനും സാധിച്ചു. സാധാരണക്കാരോടുള്ള എല്‍ഡിഎഫ് സര്‍ക്കാരിന്റെ പ്രതിബദ്ധതയ്ക്ക് അടിവരയിടുന്ന നേട്ടമാണിത്', മുഖ്യമന്ത്രി കുറിച്ചു.