ഇപ്രൂവ്മെന്റ് പരീക്ഷ തീരുമാനം പൂന:പരിശോധിക്കണം: എച്ച്.എസ്.ജെ.ടി.എ

News Desk

09 May 2023 10:20 PM

കോഴിക്കോട്: പ്ലസ് വൺ ഇപ്രൂവ്മെൻ്റ് പരീക്ഷ വർഷാവസാന പരീക്ഷയോടൊപ്പം നടത്താനുള്ള തീരുമാനം ഈ അധ്യയന വർഷം നടപ്പിലാക്കരുതെന്ന് ഹയർ സെക്കൻഡറി ജേർണലിസം ടീച്ചേഴ്സ് അസോസിയേഷൻ സംസ്ഥാന സമ്മേളനം പ്രമേയത്തിലൂടെ ആവശ്യപ്പെട്ടു. മുൻ കൂട്ടി അറിയിക്കാതെ ധൃതി പിടിച്ചുള്ള തീരുമാനം കുട്ടികളിൽ അമിത മാനസിക സമ്മർദ്ദം ഉണ്ടാക്കാൻ സാധ്യത ഉള്ളതിനാൽ വിഷയത്തിൽ വിദ്യാഭ്യാസ വകുപ്പിന്റെ അടിയന്തിര നടപടി വേണമെന്നും സമ്മേളനം ആവശ്യപ്പെട്ടു. മാധ്യമ പ്രവർത്തക മനില സി. മോഹൻ ഉദ്ഘാടനം ചെയ്തു. ഡോ.പി.എക്സ്. റോയ് തോമസ് അധ്യക്ഷനായി. കോഴിക്കോട് റീജിയണൽ ഡെപ്യൂട്ടി ഡയരക്ടർ എം. സന്തോഷ്‌ കുമാർ മുഖ്യ പ്രഭാഷണം നടത്തി. അരുൺ തോമസ്, എ. കെ. മധു, അമീൻ പൊട്ടഞ്ചിറ, ഇസ്മായിൽ വാണിമേൽ, എം.കെ. മുഹമ്മദലി സംസാരിച്ചു. ഭാരവാഹി തെരഞ്ഞെടുപ്പ് എ.കെ മധു നിയന്ത്രിച്ചു. സംസ്ഥാന കമ്മിറ്റി ഭാരവാഹികളായി ഡോ.പി. എക്സ് റോയ് തോമസ് (പ്രസിഡന്റ്‌),
അരുൺ തോമസ്, കെ. ആർ. ബൈജു, ആദർശിനി ഗോപിനാഥ്‌ (വൈസ് പ്രസിഡന്റ്‌), ഡോ.എസ്. സിന്ധു (ജനറൽ സെക്രട്ടറി), സുജിത് നെല്യേരി, രമ്യ പൊട്ടങ്കി, ബി.സജി (ജോയിന്റ് സെക്രട്ടറി), കെ.വി. സനൂപ് (ട്രഷറർ), ഷിനോ വർഗീസ് ( കൺവീനർ, ആക്കാദമിക്), എൻ.ആർ. ഷബിത
(കൺവീനർ, കരിയർ), ഇസ്മായിൽ വാണിമേൽ ( മീഡിയ കൺവീണർ) എന്നിവരെ തെരഞ്ഞെടുത്തു. അരുൺ തോമസ് സ്വാഗതവും
കെ.കെ. ഷൗക്കത്ത്‌ നന്ദിയും പറഞ്ഞു.

ഹയർ സെക്കൻഡറി ജേർണലിസം ടീച്ചേഴ്സ് അസോസിയേഷൻ സംസ്ഥാന പ്രസിഡൻ്റ്
ഡോ.പി. എക്സ് റോയ് തോമസ്

ജനറൽ സിക്രട്ടറി
ഡോ.എസ്. സിന്ധു