കളമശേരിയിൽ 49 ഹോട്ടലുകള്ക്ക് പഴകിയ ഇറച്ചി വിതരണം നടത്തിയിരുന്നതായി രേഖകള് പുറത്ത്
കളമശേരിയിൽ പഴകിയ ഇറച്ചി വിതരണം ചെയ്ത രേഖകൾ പുറത്ത്. 49 ഹോട്ടലുകൾക്ക് പഴകിയ ഇറച്ചി വിതരണം ചെയ്ത രേഖയാണ് ഇപ്പോൾ പുറത്ത് വന്നിരിക്കുന്നത്. പോലീസും കളമശേരി ആരോഗ്യ വിഭാഗവും ചേർന്നാണ് പഴകിയ ഇറച്ചികൾ പിടികൂടിയ വീട്ടിൽ പരിശോധന നടത്തിയത്. ഇവിടെ നിന്നും ഇറച്ചി വിതരണം ചെയ്തതുമായി ബന്ധപ്പെട്ട ബില്ലുകളും, ഡയറികളും കണ്ടെടുത്തു.
ഈ രേഖകളുടെ അടിസ്ഥാനത്തിലാണ് ഇവിടെ നിന്നും ഇറച്ചി വാങ്ങിയ 49 ഹോട്ടലുകളുടെ പട്ടിക നഗരസഭ പുറത്ത് വിട്ടിരിക്കുന്നത്. കളമശേരിയും പാലാരിവട്ടവും ഉൾപ്പടെ പല സ്ഥലങ്ങളിലേക്ക് ഇവിടെ നിന്നും ഇറച്ചി വിറ്റിട്ടുണ്ട്. ഇതിൽ സുനാമി ഇറച്ചി അടങ്ങിയിട്ടുണ്ടോ എന്ന് അന്ന്വേഷണം നടക്കുന്നു. വ്യാഴാഴ്ചയാണ് കളമശേരി കൈപ്പടമുകളിലെ വാടക വീട്ടിൽ നിന്ന് പഴകിയ ഇറച്ചി പിടികൂടിയത്