സംസ്ഥാനത്ത് ഇന്നും വ്യാപക മഴയ്ക്ക് സാധ്യത
സംസ്ഥാനത്ത് ഇന്നും വ്യാപക മഴയ്ക്ക്(rain) സാധ്യതയുള്ളതായി കാലാവസ്ഥ വകുപ്പിന്റെ മുന്നറിയിപ്പ്.
ഇന്ന് 9 ജില്ലകളില് യെല്ലോ അലര്ട്ട്(yellow alert) പ്രഖ്യാപിച്ചിട്ടുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം ജില്ലകളിലാണ് യെല്ലോ അലര്ട്ട്. തെക്കന് ജില്ലകളില് പരക്കെ മഴക്ക് സാധ്യതയുണ്ടെന്നും മുന്നറിയിപ്പില് ഉണ്ട്.
കാറ്റിന്റെ വേഗത മണിക്കൂറില് 40 കിലോ മീറ്റര് ആകാന് സാധ്യതയുള്ളതിനാല് കടലില് പോകുന്ന മത്സ്യത്തൊഴിലാളികള് ജാഗ്രതപാലിക്കാനും നിര്ദേശമുണ്ട്. ഒറ്റപ്പെട്ടയിടങ്ങളില് ഇടിമിന്നലോടുകൂടിയ ശക്തമായ മഴയ്ക്ക് സാധ്യതയുള്ളതായി കേന്ദ്ര കാലവസ്ഥാവകുപ്പ് മുന്നറിയിപ്പ് നല്കിയിട്ടുണ്ട്. കേരള-ലക്ഷദ്വീപ്-കര്ണാടക തീരങ്ങളില് മത്സ്യബന്ധനത്തിന് തടസമില്ല.