അക്ഷയ വിവരങ്ങൾ ഇനി '' എന്റെ ജില്ല '' എന്ന ആപ് വഴി;ആപ്പ് ഡൌൺലോഡ് ചെയ്യാം
മലപ്പുറ൦ ജില്ലയിലെ അക്ഷയ കേന്ദ്രങ്ങളുമായി ബന്ധപ്പെട്ട സേവനങ്ങൾ എളുപ്പത്തിൽ ലഭ്യമാകുന്നതിന് പൊതു ജനങ്ങൾക്ക് ഏറ്റവും അടുത്തള്ള അക്ഷയ കേന്ദ്രങ്ങളുടെ വിവരങ്ങൾ അറിയുന്നതിനും അക്ഷയയുമായി ബന്ധപ്പെട്ട അഭിപ്രായങ്ങളും നിർദ്ദേശങ്ങളും പരാതികളും രേഖപ്പെടുത്തുന്നതിനും ഇനി "എന്റെ ജില്ല ആപ്പ്" ഉപയോഗപ്പെടുത്താവുന്നതാണ്. കേരള സർക്കാർ തയ്യാറാക്കിയ എന്റെ ജില്ല ആപ്പ് വഴി, ജില്ലയിലെ മുഴുവൻ അക്ഷയ കേന്ദ്രങ്ങളെ കുറിച്ചുള്ള വിവരങ്ങൾ അറിയാൻ സാധിക്കുന്നു എന്നതാണ് ഇതിന്റെ പ്രത്യേകത! ആൻഡ്രോയ്ഡ് ഫോണിൽ പ്ലേ സ്റ്റോറിൽ "എന്റെ ജില്ല ആപ്പ് " ലഭ്യമാണ്. ഈ ആപ്പ് പൊതുജനങ്ങൾക്ക് സ്വന്തം ഫോണിൽ ഇൻസ്റ്റാൾ ചെയ്യാവുന്നതാണ്. ഈ മൊബൈൽ അപ്പ്ലികേഷൻ സാധാരണക്കാർക്ക് ഏറെ ഉപകാരപ്രദമാണെന്നു മലപ്പുറം അക്ഷയ പ്രോജക്ട് മാനേജർ ഗോകുൽ പി.ജി പറഞ്ഞു.