ഇന്ത്യ - യുഎഇ വിമാന സര്വീസ് ജൂലൈ ഏഴ് മുതല് തുടങ്ങിയേക്കും
ദുബായ് : ഇന്ത്യയില് നിന്ന് യുഎഇയിലേക്കുള്ള വിമാന സര്വീസുകള് ജൂലൈ ഏഴ് മുതല് പുനഃരാരംഭിക്കാന് കഴിഞ്ഞേക്കുമെന്ന് എമിറേറ്റ്സ് എയര്ലൈന്സ് അറിയിച്ചു. ട്വിറ്ററിലൂടെ യാത്രക്കാര് ഉന്നയിക്കുന്ന ചോദ്യങ്ങള്ക്ക് നല്കിയ മറുപടിയിലാണ് എമിറേറ്റ്സ് അധികൃതര് ഇക്കാര്യം അറിയിച്ചത്.
രണ്ട് ഡോസ് കോവിഡ് വാക്സിനെടുത്തവര്ക്ക് ഇന്ത്യയില് നിന്നുള്ള യാത്രാ വിലക്കില് യുഎഇ അധികൃതര് ഇളവ് പ്രഖ്യാപിച്ചെങ്കിലും വിമാന സര്വീസുകള് തുടങ്ങുന്ന കാര്യത്തില് അനിശ്ചിതത്വം തുടരുകയാണ് . സാമൂഹിക മാധ്യമങ്ങളിലൂടെയും മറ്റും ഇത് സംബന്ധിച്ച് നിരവധി അന്വേഷണങ്ങളാണ് വിമാനക്കമ്ബനികള്ക്ക് പ്രതിദിനം ഉയരുന്നത്.
കൃത്യമായ യാത്രാ നിബന്ധനകളും അനുമതികളും സംബന്ധിച്ചുള്ള വിവരങ്ങളും സര്ക്കാറില് നിന്ന് കാത്തിരിക്കുകയാണെന്നും ഉടന് തന്നെ കൂടുതല് വിവരങ്ങള് ലഭിക്കുമെന്ന് പ്രതീക്ഷിക്കുന്നതായും എമിറേറ്റ്സ് അധികൃതര് അറിയിക്കുന്നു .