ലക്ഷദ്വീപ് ഭരണകൂടത്തിന് തിരിച്ചടി: ബീഫ് ഒഴിവാക്കണമെന്ന ഉത്തരവിന് ഹൈക്കോടതിയുടെ സ്റ്റേ
കൊച്ചി: ലക്ഷദ്വീപ് ഭരണകൂടത്തിന് തിരിച്ചടിയായി രണ്ട് വിവാദ ഉത്തരവുകള് ഹൈക്കോടതി സ്റ്റേ ചെയ്തു. ഡയറി ഫാമുകള് അടച്ചുപൂട്ടാനുള്ള ഉത്തരവിനും കുട്ടികള്ക്ക് ഉച്ച ഭക്ഷണത്തില് നിന്ന് ബീഫ് ഒഴിവാക്കണമെന്നുള്ള തീരുമാനത്തിനുമാണ് ഹൈക്കോടതിയുടെ സ്റ്റേ.
ലക്ഷദ്വീപ് സ്വദേശിയായ അജ്മല് അഹമ്മദിന്റെ പൊതുതാല്പര്യ ഹര്ജിയിലാണ് ചീഫ് ജസ്റ്റിസ് അധ്യക്ഷനായ ബെഞ്ചിന്റെ ഇടക്കാല ഉത്തരവ്. ഡയറി ഫാമുകള് അടച്ചുപൂട്ടാനുള്ള തീരുമാനം ഏകപക്ഷീയമാണെന്നും നീക്കം തടയണമെന്നും ഹര്ജിയില് ആവശ്യപ്പെട്ടിരുന്നു.