സിനിമാ വ്യാജപതിപ്പുകൾക്കെതിരെ കടുത്ത നടപടിയുമായി കേന്ദ്രം
ന്യൂദല്ഹി : രാജ്യത്തെ സിനിമാ വ്യാജപതിപ്പുകള് പ്രചരിക്കുന്നതിന് പൂട്ടിടാന് കേന്ദ്രസര്ക്കാര്. സിനിമയുടെ വ്യാജ പതിപ്പുകള് നിര്മിക്കുന്നവര്ക്ക് തടവ് ശിക്ഷയും പിഴയും നല്കാന് കേന്ദ്രസര്ക്കാര് ശുപാര്ശ നല്കി. ഇതിനായി കേന്ദ്രം കരട് ബില്ലും തയ്യാറാക്കി കഴിഞ്ഞു.
സെന്സര് ചെയ്ത ചിത്രങ്ങള് വീണ്ടും പരിശോധിക്കാനും ഇതിലൂടെ സാധിക്കും. നിലവില് സിനിമയുടെ പ്രദര്ശനത്തിന് അനുമതി നല്കുന്നത് സെന്സര് ബോര്ഡുകളാണ്. പുതിയ ഭേദഗതി നിയമപ്രകാരം സെന്സര് ബോര്ഡിന്റെ തീരുമാനത്തില് ഇടപെടാന് കേന്ദ്രസര്ക്കാരിന് സാധിക്കും. വ്യാജപതിപ്പിറക്കിയതായി പരാതി ലഭിച്ചാല് സെന്സര്ബോര്ഡ് അനുമതി നല്കിയ സിനിമകള് കേന്ദ്രത്തിന് പുനഃപരിശോധിക്കാം. കരട് ബില്ലില് കേന്ദ്ര സര്ക്കാര് പൊതുജനാഭിപ്രായം തേടി.