സ്വകാര്യ ബസുകള്ക്ക് ഒറ്റ, ഇരട്ട അക്ക നമ്പർ അനുസരിച്ച് സര്വീസ് നടത്താം
തിരുവനന്തപുരം: സ്വകാര്യ ബസ് സര്വീസിന് ഗതാഗതവകുപ്പ് മാര്ഗനിര്ദേശം പുറപ്പെടുവിച്ചു. വെള്ളിയാഴ്ച മുതല് സ്വകാര്യ ബസുകള്ക്ക് സര്വീസ് നടത്താമെന്ന് ഗതാഗതമന്ത്രി അറിയിച്ചു. ഒറ്റ, ഇരട്ട അക്ക നമ്പർ അനുസരിച്ച് ഓരോ ദിവസം ഇടവിട്ടാണ് സര്വീസ് നടത്തേണ്ടത്.
വെള്ളിയാഴ്ച ഒറ്റ അക്ക നമ്പരുള്ള ബസുകള്ക്ക് ഓടാം. തിങ്കള്, ബുധന്, വെള്ളി ദിവസങ്ങളില് ഇരട്ട അക്ക നമ്പറും സര്വീസ് നടത്താം. എല്ലാ സ്വകാര്യ ബസുകള്ക്കും എല്ലാ ദിവസവും സര്വീസ് നടത്താവുന്ന സാഹചര്യമല്ല നിലവിലുള്ളതെന്നാണ് മന്ത്രിയുടെ വിശദീകരണം. സമ്പൂര്ണ ലോക്ഡൗണ് നടപ്പാക്കുന്ന ശനി, ഞായര് ദിവസങ്ങളില് സര്വീസ് അനുവദിക്കില്ല. സ്വകാര്യ ബസ് ഉടമകളും നിയന്ത്രണങ്ങളോട് സഹകരിക്കണമെന്നും ഗതാഗതമന്ത്രി ആവശ്യപ്പെട്ടു.