പുതുപ്പള്ളി വോട്ടെടുപ്പ് അവസാനിച്ചു; 72.91 ശതമാനം പോളിംഗ്
അലഹബാദ്: ഉത്തര്പ്രദേശില് കഴിഞ്ഞ പഞ്ചായത്ത് തിരഞ്ഞെടുപ്പില് ജോലി നോക്കിയതുവഴി കൊവിഡ് ബാധിച്ച് മരിച്ച ഉദ്യോഗസ്ഥരുടെ കുടുംബത്തിന് ഒരു കോടി നഷ്ട പരിഹാരം നല്കാന് സര്ക്കാര് ആലോചിക്കണമെന്ന് ഹൈക്കോടതി. പോളിംഗ് ഓഫീസര്മാരായി ജോലി നോക്കിയതിനെ തുടര്ന്ന് കൊവിഡ് വന്ന് മരിച്ചവരുടെ കുടുംബത്തിനാണ് നഷ്ടപരിഹാരമായി ഒരുകോടി രൂപയെങ്കിലും നല്കാന് ആലോചിക്കണമെന്ന് അലഹബാദ് ഹൈക്കോടതി ആവശ്യപ്പെട്ടത്.
യോഗി സര്ക്കാര് നല്കുമെന്ന് പ്രഖ്യാപിച്ച തുക 30 ലക്ഷം രൂപയാണ്. ഇത് ആ ഉദ്യോഗസ്ഥരെ ആശ്രയിച്ച് കഴിയുന്ന കുടുംബത്തിന് വളരെ തുച്ഛമാണ്. \'ആര്ടിപിസിആര് പരിശോധയില്ലാതെ ഉദ്യോഗസ്ഥരെ കൊണ്ട് ജോലി ചെയ്യാന് നിര്ബന്ധിച്ച സംസ്ഥാന സര്ക്കാരും തിരഞ്ഞെടുപ്പ് കമ്മീഷനും ബോധപുര്വം ശ്രമിച്ചു.\' കോടതി നിരീക്ഷണത്തില് പറയുന്നു.
28 ജില്ലകളിലായി 77 പോളിംഗ് ഓഫീസര്മാരാണ് കൊവിഡ് ബാധിച്ച് മരിച്ചതെന്ന് സംസ്ഥാന ഇലക്ഷന് കമ്മീഷന് തരുണ് അഗര്വാള് കോടതിയെ അറിയിച്ചു. കൂടുതല് വിവരങ്ങള് അറിയാന് സമയം വേണമെന്നും അദ്ദേഹം കോടതിയോട് ആവശ്യപ്പെട്ടു.
അദ്ധ്യാപകരും ശിക്ഷാ മിത്രങ്ങളും അന്വേഷകരുമാണ് ഇത്തരത്തില് പോളിംഗ് ഓഫീസര്മാരുടെ ഡ്യൂട്ടി ചെയ്യാന് നിര്ബന്ധിതരായി മരണമടഞ്ഞത്. ഇവര്ക്ക് പ്രഖ്യാപിച്ച തുക വളരെ കുറഞ്ഞുപോയി എന്ന് അഭിഭാഷകര് കോടതിയില് വാദിച്ചു.
എല്ലാ ജില്ലകളിലും മഹാമാരിക്കെതിരെ തീരുമാനമെടുക്കാന് ഒരു കമ്മിറ്റി രൂപീകരിക്കണമെന്നും ജസ്റ്റിസ് സിദ്ധാര്ത്ഥ വര്മ്മ, അജിത് കുമാര് എന്നിവരടങ്ങിയ ബെഞ്ച് ഉത്തരവിട്ടു. ഈ കമ്മിറ്റിയില് ചീഫ് ജുഡീഷ്യല് മജിസ്ട്രേറ്റോ തത്തുല്യ റാങ്കുളളയാളോ ഉണ്ടാകണമെന്നും ഉത്തരവിലുണ്ട്. മെഡിക്കല് കോളേജിലെ പ്രിന്സിപ്പല് നാമനിര്ദ്ദേശം ചെയ്ത ഒരു പ്രൊഫസറും, ജില്ലാ ആശുപത്രിയിലെ മെഡിക്കല് സൂപ്രണ്ട് നാമനിര്ദ്ദേശം ചെയ്ത ഡോക്ടര്മാരും സമിതിയിലുണ്ടാകണമെന്നും കോടതി നിര്ദ്ദേശിച്ചു.48 മണിക്കൂറിനകം ഇവ നിലവില് വന്നിരിക്കണമെന്നാണ് കോടതി ഉത്തരവ്.
സംസ്ഥാനത്ത് ടെസ്റ്റിംഗ് വളരെ കുറച്ചിട്ടുണ്ടെന്ന് സര്ക്കാര് നല്കിയ സത്യവാങ്മൂലം നിരീക്ഷിച്ച കോടതി പറഞ്ഞു. \'22 ആശുപത്രികള്ക്ക് ഓക്സിജന് നല്കുന്നതിന്റെ കണക്ക് പോലും മുഴുവനില്ല.\' കോടതി നിരീക്ഷിച്ചു.
നിരക്ഷരരായ തൊഴിലാളികളില് 18നും 45നുമിടയില് പ്രായമുളളവര്ക്ക് വാക്സിന് നല്കുന്നതിന് കേന്ദ്ര സംസ്ഥാന സര്ക്കാരുകള് സ്വീകരിച്ച നടപടികള് അറിയിക്കണമെന്നും കേസ് ഇനി മേയ് 17ന് പരിഗണിക്കുമെന്നും കോടതി അറിയിച്ചു.