കടലുണ്ടിപുഴയിൽ കുളിക്കാനിറങ്ങിയ വിദ്യാർഥി ഒഴുക്കിൽ പെട്ട് മരിച്ചു
സര്ക്കാര് സംസ്ഥാനത്ത് കൈക്കൊണ്ട ഒരാഴ്ചത്തെ ലോക് ഡൗണില്നിന്ന് ഏറ്റവും പ്രധാനപ്പെട്ട റമദാന് രാവുകളും പെരുന്നാള് ദിനവും ഒഴിവാക്കണമെന്നും വിശ്വാസികളെ പരിമിതപ്പെടുത്തുകയും ആരോഗ്യ മുന്കരുതല് ഉറപ്പു വരുത്തുകയും ചെയ്തു കൊണ്ട് ഇളവ് അനുവദിക്കണമെന്നും ആള് ഇന്ത്യ ഇമാംസ് കൗണ്സില് സംസ്ഥാന പ്രസിഡന്റ് ടി അബ്ദുറഹ്മാന് ബാഖവി സര്ക്കാരിനോട് ആവശ്യപ്പെട്ടു.
ട്രയിന് ഗതാഗതം, കല്യാണം, മരണാനന്തര ചടങ്ങ് പോലുള്ളതിന് ഇളവ് അനുവദിച്ചിട്ടുള്ള പശ്ചാത്തലത്തില് മുസ് ലിം വിശ്വാസികള്ക്ക് ഏറെ പ്രാധാന്യമുള്ള റമദാന് രാത്രി പ്രാര്ഥനയ്ക്കും പെരുന്നാള് നമസ്കാരത്തിനും ഇളവ് അനുവദിക്കണം.
കൊവിഡ് വ്യാപകമാവുന്ന പശ്ചാത്തലത്തില് സര്ക്കാരിന്റെ ആരോഗ്യ നിര്ദേശങ്ങളെ വിശ്വാസികള് ഗൗരവത്തോടെ തന്നെയാണ് പള്ളികളില് നടപ്പിലാക്കുന്നത്.
പള്ളികളില് പരിമിതമായ വിശ്വാസികളെ പങ്കെടുപ്പിച്ച് ആരോഗ്യമാനദണ്ഡങ്ങള് കൃത്യമായി പാലിച്ചു മാതൃകാപരമായി നടത്തുന്ന പ്രാര്ഥന വഴി യാതൊരു തരത്തിലുള്ള ആരോഗ്യ പ്രശ്നവും സമൂഹത്തിലുണ്ടാവുന്നില്ലെന്ന് അനുഭവത്തില് നിന്ന് ബോധ്യമായിട്ടുള്ളതാണ്.
റമദാന് ഭക്തിനിര്ഭരമായി പരിസമാപ്തിയിലേക്ക് എത്തുമ്ബോള് ആരോഗ്യ സുരക്ഷ ഉറപ്പു വരുത്തിക്കൊണ്ട് തന്നെ വിശ്വാസികളുടെ വികാരത്തിനൊപ്പം നില്ക്കാന് സര്ക്കാരിന് കഴിയട്ടെയെന്നും അദ്ദേഹം ഓര്മ്മിപ്പിച്ചു.