ചരിത്ര വിജയത്തിലേക്ക് നയിച്ചത് മുഖ്യമന്ത്രിയുടെ വിശ്വാസ്യത; രവി പിള്ള
മുഖ്യമന്ത്രി പിണറായി വിജയന്റെ വിശ്വാസ്യതയാണ് കേരള നിയമ സഭാ തെരഞ്ഞെടുപ്പില് ചരിത്ര വിജയം സമ്മാനിച്ചതെന്ന് പ്രമുഖ വ്യവസായിയും ആര്.പി ഗ്രൂപ്പ് ചെയര്മാനുമായ രവി പിള്ള. എന്ത് പ്രശ്നം വന്നാലും താന് ഒപ്പമുണ്ടെന്ന് അദ്ദേഹം ജനങ്ങളെ ബോധ്യപ്പെടുത്തി. കോവിഡ് മഹാമാരി നാടിനെ പിടിച്ചുലക്കുേമ്ബാള് ജനങ്ങള്ക്ക് വേണ്ട സൗകര്യങ്ങളൊരുക്കി അദ്ദേഹം ഒപ്പമുണ്ടായിരുന്നു.
ന്യൂനപക്ഷങ്ങള്ക്ക് തങ്ങളുടെ സംരക്ഷകനായി പിണറായി വിജയനെ കാണാന് കഴിഞ്ഞു. അതും തെരഞ്ഞെടുപ്പ് വിജയത്തിന് കാരണമായി. സംസ്ഥാനത്ത് വികസനം ഉണ്ടാകണമെന്നും യുവജനങ്ങള്ക്ക് ജോലി ലഭിക്കണമെന്നും ആഗ്രഹിക്കുന്ന മുഖ്യമന്ത്രിയാണ് അദ്ദേഹം. അതിനുവേണ്ടി അദ്ദേഹം ആത്മാര്ഥമായി പരിശ്രമിച്ചു. കേരളത്തെ വ്യവസായങ്ങളുടെ നഗരമാക്കി മാറ്റണമെന്ന അദ്ദേഹത്തിെന്റ ആഗ്രഹം രണ്ട് വര്ഷത്തിനകം നടപ്പാകുമെന്നാണ് പ്രതീക്ഷ.
ഇന്ത്യയും കേരളവും കോവിഡ് -19 സൃഷ്ടിച്ച പ്രതിസന്ധി ഘട്ടത്തിലൂടെ കടന്നുപോകുന്ന സമയമാണ് ഇപ്പോള്. എല്ലാ വിഭാഗം ജനങ്ങളും പ്രവാസികളും ഒരുമിച്ച് നിന്ന് ഇന്ത്യയെയും കേരളത്തെയും സാമ്ബത്തികമായും മറ്റ് തരത്തിലും സഹായിക്കാന് മുന്നോട്ട് വരണമെന്നും രവി പിള്ള അഭ്യര്ഥിച്ചു