സി.എ.എ പിന്വലിക്കാന് സമ്മര്ദ്ദം ചെലുത്തുമെന്ന് ബി.ജെ.പി സഖ്യകക്ഷി അണ്ണാ ഡി.എം.കെ
ചെന്നൈ: തമിഴ്നാട് നിയമസഭാ തെരഞ്ഞെടുപ്പിനോടനുബന്ധിച്ച് അണ്ണാ ഡി.എം.കെ കഴിഞ്ഞ ദിവസം പുറത്തിറക്കിയ പ്രകടനപത്രികയില് പൗരത്വ ഭേദഗതി നിയമത്തിനെതിരായ പരാമര്ശത്തില് ബി.ജെ.പിക്ക് അസംതൃപ്തി. തമിഴ്നാട്ടിലെ പ്രധാനസഖ്യകക്ഷി മോദി സര്ക്കാറിന്റെ ഒരു അഭിമാന നീക്കത്തിനെതിരെ നിലപാടെടുക്കുന്നതില് ബി.ജെ.പിക്ക് കടുത്ത അമര്ഷമുണ്ട്.
പൗരത്വ ഭേദഗതി നിയമം (സി.എ.എ) പിന്വലിക്കണമെന്ന് കേന്ദ്രസര്ക്കാറില് സമ്മര്ദംചെലുത്തുമെന്നാണ് അണ്ണാ ഡി.എം.കെ കഴിഞ്ഞ ദിവസം പുറത്തിറക്കിയ പ്രകടനപത്രികയില് പറയുന്നത്. നേരത്തെ, പാര്ലെമന്റില് സി.എ.എക്ക് അനുകൂലമായി അണ്ണാ ഡി.എം.കെ വോട്ട് ചെയ്തിരുന്നു. നിയമസഭാ തെരഞ്ഞെടുപ്പില് ന്യൂനപക്ഷ വോട്ടുകള് എതിരായാല് തിരിച്ചടിയുണ്ടാകുമെന്ന ആശങ്കയാണ് സി.എ.എക്ക് എതിരായി സമ്മര്ദം ചെലത്തുമെന്ന് പ്രകടനപത്രികയില് ഉള്പ്പെടുത്താന് അണ്ണാ ഡി.എം.കെയെ ഇപ്പോള് പ്രേരിപ്പിച്ചതെന്നാണ് കരുതുന്നത്.
പ്രധാന എതിരാകളികളായ ഡി.എം.കെയുടെ പ്രകടനപത്രികയില് സി.എ.എ വിരുദ്ധ നിലപാടുള്പ്പെടുത്തിയതും അണ്ണാ ഡി.എം.കെയെ സമ്മര്ദ്ദത്തിലാക്കിയിട്ടുണ്ട്. സി.എ.എ പിന്വലിക്കാന് സമ്മര്ദം ചെലുത്തുമെന്ന് അണ്ണാ ഡി.എം.കെ പറയുന്നത് ജനങ്ങളെ കബളിപ്പിക്കാനാണെന്നാണ് പ്രതിപക്ഷ കക്ഷികള് ആരോപിക്കുന്നത്.
ന്യൂനപക്ഷ വിഭാഗങ്ങളില് ഇപ്പോള് ആശങ്ക നിലനില്ക്കുന്നതിനാലാണ് നിയമം പിന്വലിക്കാന് കേന്ദ്രസര്ക്കാറില് സമ്മര്ദംചെലുത്തുമെന്ന് പ്രകടനപത്രികയില് ഉള്പ്പെടുത്തിയതെന്ന് അണ്ണാ ഡി.എം.കെ നേതാവും മുഖ്യമന്ത്രിയുമായ എടപ്പാടി പളനിസാമി പറഞ്ഞു.
സി.എ.എ നിയമത്തെ ആര്ക്കുവേണമെങ്കിലും എതിര്ക്കാമെന്നും എന്നാല്, പിന്വലിക്കുന്ന പ്രശ്നമില്ലെന്നും പ്രകടനപത്രികയില് ഇത് ഉള്പ്പെടുത്തിയത് സംബന്ധിച്ച് അണ്ണാ ഡി.എം.കെ നേതൃത്വവുമായി ആശയവിനിമയം നടത്തുമെന്നും തമിഴ്നാടിെന്റ ചുമതല വഹിക്കുന്ന ബി.ജെ.പി കോഒാഡിനേറ്റര് സി.ടി. രവി പറഞ്ഞു. ഏത് സാഹചര്യത്തിലാണ് ഇത്തരമൊരു വിഷയം പ്രകടനപത്രികയില് ഉള്പ്പെടുത്തിയതെന്ന് അറിയില്ലെന്നും ഇതുമായി ബന്ധപ്പെട്ട് അണ്ണാ ഡി.എം.കെയുമായി സംസാരിക്കുമെന്നും മഹിളമോര്ച്ച ദേശീയ അധ്യക്ഷയും ബി.ജെ.പി കോയമ്ബത്തൂര് സൗത്ത് സ്ഥാനാര്ഥിയുമായ വാനതി ശ്രീനിവാസന് പറഞ്ഞു.
അണ്ണാ ഡി.എം.കെ-ബി.ജെ.പി മുന്നണിയില് സി.എ.എ സംബന്ധിച്ചുള്ള ആശയക്കുഴപ്പം ഡി.എം.കെയടക്കമുള്ള പ്രതിപക്ഷ കക്ഷികള് ചര്ച്ചയാക്കിയാല് തമിഴ്നാട്ടില് ബി.ജെ.പിയുടെ തീവ്ര ഹിന്ദുത്വ അജണ്ടക്ക് പ്രചാരണത്തില് വളരെയധികമൊന്നും മുന്നോട്ട് പോകാനാകില്ല.