എസ്എസ്എല്സി, ഹയര് സെക്കന്ഡറി പരീക്ഷ സമയക്രമത്തില് മാറ്റം; പുതുക്കിയ ടൈം ടേബിള്
തിരുവനന്തപുരം: എസ്എസ്എല്സി, ഹയര് സെക്കന്ഡറി, വൊക്കേഷണല് ഹയര് സെക്കന്ഡറി പൊതുപരീക്ഷ ടെെം ടേബിളില് ചില മാറ്റങ്ങള്. വിവിധ മേഖലകളില്നിന്ന് ലഭ്യമായ അഭിപ്രായങ്ങളും നിര്ദേശങ്ങളും കൂടി പരിഗണിച്ചാണ് പരീക്ഷ പുനഃക്രമീകരിച്ചതെന്ന് വിദ്യാഭ്യാസ വകുപ്പ് അറിയിച്ചു. ജെഇഇ പരീക്ഷകള് നടക്കുന്നതിനാല് പ്ലസ് ടു, വിഎച്ച്എസ്ഇ പരീക്ഷകള് 26ന് അവസാനിപ്പിക്കും. 10-ാം ക്ലാസിലെ ചില വിഷയങ്ങള് പഠനസൗകര്യം കണക്കിലെടുത്ത് പരസ്പരം മാറ്റിയിട്ടുണ്ട്.
Kerala SSLC timetable: എസ്എസ്എല്സി സമയക്രമം ഇങ്ങനെ
ഏപ്രില് എട്ട് - വ്യാഴം - ഒന്നാം ഭാഷ - പാര്ട്ട് 1 -ഉച്ചയ്ക്ക് 1.40 മുതല് 3.30 വരെ
ഏപ്രില് ഒന്പത് - വെള്ളി - മൂന്നാം ഭാഷ ഹിന്ദി/ജനറല് നോളജ് - ഉച്ചയ്ക്ക് 2.40 മുതല് 4.30 വരെ
ഏപ്രില് 12 - തിങ്കള് -രണ്ടാം ഭാഷ, ഇംഗ്ലീഷ് - ഉച്ചയ്ക്ക് 1.40 മുതല് 4.30 വരെ
ഏപ്രില് 15 - വ്യാഴം - ഫിസിക്സ് - രാവിലെ 9.40 മുതല് 11.30 വരെ
ഏപ്രില് 19 - തിങ്കള് - കണക്ക് - രാവിലെ 9.40 മുതല് 12.30 വരെ
ഏപ്രില് 21 - ബുധന് - കെമിസ്ട്രി - രാവിലെ 9.40 മുതല് 11.30 വരെ
ഏപ്രില് 27 - ചൊവ്വ - സോഷ്യല് സയന്സ് - രാവിലെ 9.40 മുതല് 12.30 വരെ
ഏപ്രില് 28 - ബുധന് - ബയോളജി - രാവിലെ 9.40 മുതല് 11.30 വരെ
ഏപ്രില് 29 - വ്യാഴം - ഒന്നാം ഭാഷ പാര്ട്ട് രണ്ട് - രാവിലെ 9.40 മുതല് 11.30 വരെ
നിയമസഭാ തിരഞ്ഞെടുപ്പിന്റെ പശ്ചാത്തലത്തിലാണ് എസ്എസ്എല്സി, പ്ലസ് ടു പരീക്ഷകള് മാറ്റിവയ്ക്കണമെന്ന് സര്ക്കാര് തിരഞ്ഞെടുപ്പ് കമ്മീഷനോട് ആവശ്യപ്പെട്ടത്. വോട്ടെടുപ്പിന് ശേഷം പരീക്ഷ നടത്തണമെന്നാണ് സര്ക്കാര് നിലപാട്. അധ്യാപകര്ക്ക് തിരഞ്ഞെടുപ്പ് ഡ്യൂട്ടി ഉള്ളതിനാലാണ് പരീക്ഷകള് മാറ്റിവയ്ക്കണമെന്ന് സര്ക്കാര് ആവശ്യപ്പെട്ടത്. ഇക്കാര്യം ഇടത് അധ്യാപക സംഘടനകള് സര്ക്കാരിനോട് ആവശ്യപ്പെട്ടിരുന്നു. ചീഫ് ഇലക്ടറല് ഓഫീസര് സര്ക്കാരിന്റെ കത്ത് കേന്ദ്ര തിരഞ്ഞെടുപ്പ് കമ്മീഷന് അയച്ചിരുന്നു.