വിജയഭേരി-വിജയസ്പർശം: യോഗം ചേർന്നു

വിജയഭേരി-വിജയസ്പർശം പദ്ധതിയുടെ അന്തിമ വിലയിരുത്തൽ യോഗം ജില്ലാ ആസൂത്രണ സമിതി കോൺഫറൻസ് ഹാളിൽ ചേർന്നു. യോഗത്തിൽ വിജയഭേരി-വിജയസ്പർശം പോസ്റ്റ് ടെസ്റ്റ് പഠന റിപ്പോർട്ട് അസിസ്റ്റന്റ് കളക്ടർ സുമിത് കുമാർ ഠാക്കൂർ പ്രകാശനം ചെയ്തു. വിദ്യാഭ്യാസ ഉപഡയറക്ടർ കെ.പി രമേശ് കുമാർ അധ്യക്ഷത വഹിച്ചു.

വിജയസ്പർശം ജില്ലാ കോ ഓർഡിനേറ്റർ എസ്. ബിന്ദു പദ്ധതി റിപ്പോർട്ട് അവതരിപ്പിച്ചു. ഡയറ്റ് പ്രിൻസിപ്പൽ ഡോ. സലീമുദ്ധീൻ, ഡി.ഇ.ഒമാരായ റുഖിയ (മലപ്പുറം), സാബു (തിരൂര്‍), വിദ്യാകിരണം കോ ഓർഡിനേറ്റർ സുരേഷ് കൊളശേരി,  എ.ഇ.ഒമാരായ മഹേഷ്, സുനിത, ഡയറ്റ് സീനിയർ ലക്ചറർ മുകുന്ദൻ, ബി.പി.സി സലീം തുടങ്ങിയവര്‍ പങ്കെടുത്തു.