കേരളത്തിന് രണ്ട് കേന്ദ്ര മന്ത്രിമാർ; സുരേഷ് ​ഗോപിക്കൊപ്പം ജോർജ് കുര്യനും മന്ത്രിസഭയിലേക്കെത്തും

മൂന്നാം മോദി സർക്കാരിന്റെ സത്യപ്രതിജ്ഞ ഇന്ന്. രണ്ടാം മോദി സർക്കാരിലെ ഭൂരിഭാഗം പ്രമുഖരെയും നിലനിർത്തിയാണ് പുതിയ മന്ത്രിസഭ. കേരളത്തിൽ നിന്ന് രണ്ട് കേന്ദ്രമന്ത്രിമാർ ഉണ്ടാകും. സുരേഷ് ​ഗോപിയെ കൂടാതെ ജോർ കുര്യനും മോദി മന്ത്രിസഭയിലേക്കെത്തും. മോദി മന്ത്രിസഭയിലേക്കെത്തുന്ന രണ്ടാമത്തെ മലയാളിയാണ് ജോർജ് കുര്യൻ. പ്രധാനമന്ത്രിയുടെ ചായസൽക്കാരത്തിൽ അദ്ദേഹം പങ്കെടുത്തിരുന്നു.

ജോർജ് കുര്യൻ സഹമന്ത്രിയാകും എന്നാണ് വിവരങ്ങൾ. മധ്യകേരളത്തിലെ ക്രൈസ്തവ സമൂഹങ്ങളുമായി അടുക്കാനുള്ള നീക്കങ്ങളുടെ ഭാഗമായിട്ടാണ് തീരുമാനം.