പുൽപ്പള്ളിയിൽ വീണ്ടും കടുവയുടെ ആക്രമണം; പശുക്കിടാവിനെ കൊന്നു

പുൽപ്പള്ളിയിൽ വീണ്ടും കടുവയുടെ ആക്രമണം. താന്നിത്തെരുവിൽ സ്വദേശി ശോശാമ്മയുടെ പശുക്കിടാവിനെയാണ് കടുവ ആക്രമിച്ച് കൊന്നത്. ഇന്ന് പുലർച്ചെ 4.30-ഓടെയായിരുന്നു സംഭവം. തൊഴുത്തിന് പിൻഭാഗത്തായി കെട്ടിയിട്ടിരുന്ന പശുവിനെയാണ് കടുവ കൊന്നത്.പുലർച്ചെയോടെ ശബ്ദം കേട്ടതിനെ തുടർന്ന് വീട്ടുകാർ പുറത്തിറങ്ങി നോക്കി. ഈ സമയം കടുവ പശുവിനെ ആക്രമിക്കുകയായിരുന്നുവെന്ന് കുടുംബം പറയുന്നു. ഇവർ ഒച്ചവച്ചതോടെയാണ് പശുക്കിടാവിനെ ഉപേക്ഷിച്ച് കടുവ ഓടിയത്. പ്രദേശത്ത് കടുവയുടെ ശല്യം രൂക്ഷമാണെന്ന് പ്രദേശവാസികൾ പറയുന്നു. സംഭവത്തിൽ വനം വകുപ്പ് ഉദ്യോഗസ്ഥർ സംഭവസ്ഥലത്തെത്തി നടപടികൾ സ്വീകരിച്ചു വരികയാണ്.