തെരുവിൻ താഴ- കൊയിലോത്ത് മുക്ക് റോഡ് നാടിന് സമർപ്പിച്ചു
ആയഞ്ചേരി ഗ്രാമ പഞ്ചായത്ത് 12-ാം വാർഡിലെ തെരുവിൻ താഴ – കൊയിലോത്ത് മുക്ക് റോഡിൻ്റെ ഉദ്ഘാടനം കെ പി കുഞ്ഞമ്മദ് കുട്ടി മാസ്റ്റർ എം എൽ എ നിർവഹിച്ചു.കൊയിലോത്ത് മീത്തൽ , കുണ്ടു പൊയിൽ ഭാഗങ്ങളിലെ ഇരുപതോളം…
ആയഞ്ചേരി ഗ്രാമ പഞ്ചായത്ത് 12-ാം വാർഡിലെ തെരുവിൻ താഴ – കൊയിലോത്ത് മുക്ക് റോഡിൻ്റെ ഉദ്ഘാടനം കെ പി കുഞ്ഞമ്മദ് കുട്ടി മാസ്റ്റർ എം എൽ എ നിർവഹിച്ചു.കൊയിലോത്ത് മീത്തൽ , കുണ്ടു പൊയിൽ ഭാഗങ്ങളിലെ ഇരുപതോളം കുടുംബങ്ങളുടെ ഏക ഗതാഗത സൗകര്യമാണ് ഈ റോഡ്. ഗ്രാമ പഞ്ചായത്തിൻ്റെ വാർഷിക പദ്ധതിയിലും, തൊഴിലുറപ്പ് പദ്ധതിയിലും ഉൾപ്പെടുത്തി ഏഴ് ലക്ഷത്തോളം രൂപ ചെലവഴിച്ചാണ് കോൺക്രീറ്റ് പ്രവൃത്തി നടത്തിയത്.
പഞ്ചായത്ത് പ്രസിഡൻ്റ് എൻ അബ്ദുൾ ഹമീദ് അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻ ടി.വി കുഞ്ഞിരാമൻ മാസ്റ്റർ, തൊഴിലുറപ്പ് വിഭാഗം ഏ. ഇ ഗോകുൽ എസ്സ് ആർ, രവീന്ദ്രൻ കെ എന്നിവർ സംസാരിച്ചു.
