അപേക്ഷാ ഫീസ് അടയ്ക്കേക്കേണ്ട അവസാന തീയതി നീട്ടി

സംസ്ഥാനത്തെ സർക്കാർ/സ്വാശ്രയ കോളേജുകളിലേക്ക് 2025-26 വർഷത്തെ ബി.എസ്‍സി.നഴ്‌സിംഗ്, ബി.എസ്‍സി എം.എൽ.റ്റി, ബി.എസ്‍സി പെർഫ്യൂഷൻ ടെക്‌നോളജി, ബി.എസ്‍സി ഒപ്‌റ്റോമെട്രി, ബി.പി.റ്റി., ബി.എ.എസ്.എൽ.പി., ബി.സി.വി.റ്റി., ബി.എസ്‍സി. ഡയാലിസിസ് ടെക്‌നോളജി, ബി.എസ്‍സി ഒക്യുപേഷണൽ തെറാപ്പി, ബി.എസ്‍സി. മെഡിക്കൽ ഇമേജിംഗ് ടെക്‌നോളജി, ബി.എസ്‍സി റേഡിയോതെറാപ്പി ടെക്‌നോളജി, ബി.എസ്‍സി ന്യൂറോ ടെക്‌നോളജി, ബി.എസ്‍സി ന്യൂക്ലിയർ മെഡിസിൻ, ബി.എസ്‍സി മെഡിക്കൽ ബയോകെമിസ്ട്രി, ബി.എസ്‍സി പ്രോസ്‌തെറ്റിക്‌സ് ആൻഡ് ഓർത്തോറ്റിക്‌സ് കോഴ്‌സുകളിലേക്കുള്ള പ്രവേശനത്തിന് അപേക്ഷാഫീസ് അടയ്ക്കുന്നത്  ജൂൺ 13 വരെയും അപേക്ഷാഫീസ് അടച്ചവർക്ക് ഓൺലൈനായി അപേക്ഷ സമർപ്പിക്കുന്നത് 17 വരെയും നീട്ടി.

www.lbscentre.kerala.gov.in വഴി അപേക്ഷാഫീസ് ഓൺലൈൻ മുഖേനയോ അല്ലെങ്കിൽ വെബ്‌സൈറ്റിൽ നിന്നും ഡൗൺലോഡ് ചെയ്ത ചെല്ലാൻ ഉപയോഗിച്ച് ഫെഡറൽ ബാങ്കിന്റെ ഏതെങ്കിലും ഒരു ശാഖ വഴിയോ അപേക്ഷാ ഫീസ് അടയ്ക്കാം. ജനറൽ, എസ്.ഇ.ബി.സി എന്നീ വിഭാഗത്തിന് 800 രൂപയും പട്ടികജാതി/പട്ടികവർഗ്ഗ വിഭാഗത്തിന് 400 രൂപയുമാണ് അപേക്ഷാ ഫീസ്. അപേക്ഷയുടെ അന്തിമ  സമർപ്പണത്തിനുള്ള അവസാന തീയതി  ജൂൺ 17. പ്രോസ്സ്‌പെക്ടസ്സ് വെബ്‌സൈറ്റിൽ നിന്നും ഡൗൺലോഡ് ചെയ്യണം.