തമിഴമാകെ സ്റ്റാലിൻ തരംഗം; ബി.ജെ.പിയെയും അണ്ണാ ഡി.എം.കെയും നിലം തൊടിക്കാതെ തമിഴകം

ദക്ഷിണേന്ത്യയിൽ ബി.ജെ.പി കണ്ണുവെച്ച സംസ്ഥാനങ്ങളിലൊന്നായിരുന്നു തമിഴ്നാട്. സഖ്യമവസാനിപ്പിച്ച ഒറ്റക്ക് മത്സരിക്കാൻ തീരുമാനിച്ച ബി.ജെ.പിക്കും അണ്ണാ ഡി.എം.കെക്കും ദയനീയ തോൽവിയാണ് ദ്രാവിഡ മണ്ണ് സമ്മാനിച്ചത്.  മുഖ്യമന്ത്രിയും ഡിഎംകെ അധ്യക്ഷനുമായ എംകെ സ്റ്റാലിൻ്റെ നേതൃത്വത്തിൽ രൂപപ്പെട്ട സഖ്യമാണ് ​തെരഞ്ഞെടുപ്പിൽ മികച്ച വിജയം നേടിയത്. കോൺഗ്രസ്, ഇടതുപക്ഷ പാർട്ടികൾ, ദളിത് ഗ്രൂപ്പുകൾ,ന്യൂനപക്ഷ പാർട്ടികൾ എന്നിവ ഉൾപ്പെടുന്ന സഖ്യത്തിന്റെ നേതൃത്വത്തിൽ മികച്ച പ്രവർത്തനമാണ് കാഴ്ചവെച്ചത്. ഡി.എം.​​കെ 22 സീറ്റിലാണ് ജയിച്ചത്. കോ​ൺഗ്രസ് 9 സീറ്റിലും സി.പി.ഐ-2,സി.പി.എം-2, വി.സി.കെ 2, മുസ്‍ലിം ലീഗ് 1,എം.ഡി.എം.കെ എന്നിങ്ങനെയാണ് പാർട്ടികൾ നേടിയ സീറ്റുകളു​ടെ എണ്ണം.