കുട്ടിപോലീസിന്റെ സുരക്ഷാവഴികള്…
സംസ്ഥാന സ്കൂൾ കലോത്സവ മത്സരങ്ങൾ പുരോഗമിക്കവെ കൊടും ചൂടിലും തളരാതെ കർമനിരതരാണ് കുട്ടി പോലീസ് സംഘം. കലോത്സവ വേദികളിലും പരിസരത്തും മതിയായ സുരക്ഷയും ഇതരസജ്ജീകരണങ്ങളും ഒരുക്കുന്നതിനായി 34 സ്കൂളുകളിൽ നിന്…
സംസ്ഥാന സ്കൂൾ കലോത്സവ മത്സരങ്ങൾ പുരോഗമിക്കവെ കൊടും ചൂടിലും തളരാതെ കർമനിരതരാണ് കുട്ടി പോലീസ് സംഘം. കലോത്സവ വേദികളിലും പരിസരത്തും മതിയായ സുരക്ഷയും ഇതരസജ്ജീകരണങ്ങളും ഒരുക്കുന്നതിനായി 34 സ്കൂളുകളിൽ നിന്നായി പ്രത്യേകം പരിശീലനം ലഭിച്ച എസ് പി സി സംഘത്തെ വിന്യസിച്ചിട്ടുണ്ട്.
ക്രമസമാധാന പരിപാലനം, ഗതാഗത നിയന്ത്രണം, വേദിയുടെ സജ്ജീകരണങ്ങൾ തുടങ്ങി സമഗ്ര മേഖലയിലും സേനയുടെ സേവനം ലഭ്യമാണ്. അടിയന്തര സാഹചര്യങ്ങളിൽ സിപിആർ ഉൾപ്പെടെയുള്ള പ്രാഥമിക ശുശ്രൂഷ പരിശീലനവും കുട്ടികൾക്ക് നൽകിയിട്ടുണ്ട്. വോക്കി-ടോക്കിയുടെ സഹായത്തോടെയാണ് സംഘത്തിന്റെ പ്രവർത്തനങ്ങൾ ഏകോപിപ്പിക്കുന്നത്. സിറ്റി പോലീസ് കമ്മീഷണർ വിവേക് കുമാറിന്റെ മേൽനോട്ടത്തിലാണ് പ്രവർത്തനങ്ങൾ.
