ചരിത്രം കുറിച്ച് രോഹൻ ബൊപ്പണ; ഓസ്‌ട്രേലിയൻ ഓപ്പണിൽ ബൊപ്പണ – മാത്യു എബ്ഡൻ സഖ്യം കിരീടം നേടി

ഓസ്‌ട്രേലിയൻ ഓപ്പണിൽ ഇന്ത്യയുടെ അഭിമാനം വാനോളം ഉയർത്തി രോഹൻ ബൊപ്പണ. രോഹൻ ബൊപ്പണ- മാത്യു എബ്ഡൻ സഖ്യം പുരുഷ വിഭാഗം ഡബിൾസിൽ കിരീടം നേടി. ഫൈനലിൽ ഇറ്റലിയുടെ സിമോൺ ബൊല്ലെലി – ആൻഡ്രിയ വവസേറി സഖ്യത്തെയാണ് ഈ സഖ്യം പരാജയപ്പെടുത്തിയത്.

43-കാരനായ ബൊപ്പണയുടെ കരിയറിലെ തന്നെ ആദ്യ ഗ്രാൻഡ് സ്ലാം കിരീടവും എബ്ഡന്റേ രണ്ടാം ഗ്രാൻഡ് സ്ലാം കിരീടവുമാണിത്. കഴിഞ്ഞ ദിവസം റാങ്കിംഗിൽ ബൊപ്പണ ഒന്നാമതെത്തിയിരുന്നു. ലോക ഒന്നാം നമ്പർ താരമാകുന്ന ഏറ്റവും പ്രായം കൂടിയ വ്യക്തിയാണ് ബൊപ്പണ. സ്‌കോർ 7-6, 7-5.