കേരളത്തിന് ആശ്വാസം; 13,600 കോടി കടമെടുക്കാന്‍ കേന്ദ്രാനുമതി

കടമെടുപ്പ് പരിധി ഉയര്ത്തണമെന്ന ആവശ്യത്തില് സംസ്ഥാന സർക്കാരിന് ആശ്വാസം. സുപ്രീം കോടതിയിലെ കേസ് നിലനില്ക്കെ 13,600 കോടി കടമെടുക്കാന് കേന്ദ്ര സർക്കാർ അനുമതി നല്കി.

കേന്ദ്രം നിർദ്ദേശിച്ച 136,00 കോടി സ്വീകാര്യമാണെന്ന് കേരളം അറിയിച്ചു. അതിന് പുറമെ 15,000 കോടി കൂടി ഉടൻ വേണ്ടി വരുമെന്ന് കേരളത്തിന് വേണ്ടി ഹാജരായ അഭിഭാഷകന് കപില് സിബല്‍ വാദിച്ചു.

ബാക്കി തുകയ്ക്ക് കേന്ദ്രവും കേരളവും തമ്മില്‍ ഇന്നു തന്നെ ചർച്ച ചെയ്യണമെന്നും കോടതി നിർദ്ദേശിച്ചു. കടമെടുപ്പ് പരിധിയില്‍ സുപ്രീം കോടതി ഇടപെടരുതെന്നായിരുന്നു കേന്ദ്രത്തിന്റെ ആവശ്യം. കേരളത്തിന്റെ ഹർജിയിലെ എല്ലാ ആവശ്യങ്ങളും തീർപ്പാക്കാൻ സമയം എടുക്കുമെന്നും, എത്രമാത്രം ഇതില്‍ ഇടപെടാൻ കഴിയുമെന്ന് പരിശോധിക്കുമെന്നും സുപ്രീം കോടതി വ്യക്തമാക്കി.