ലോക ആന്റി മൈക്രോബിയല്‍ റെസിസ്റ്റന്‍സ് സിഗ്നേച്ചര്‍ ക്യാമ്പയിന്‍ സംഘടിപ്പിച്ചു
ജില്ലാ മെഡിക്കല്‍ ഓഫീസും (ആരോഗ്യം) ദേശീയാരോഗ്യ ദൗത്യവും സംയുക്തമായി ലോക ആന്റി മൈക്രോബിയല്‍ റെസിസ്റ്റന്‍സ് വാരാചരണത്തിന്റെ ഭാഗമായി സിഗ്നേച്ചര്‍ ക്യാമ്പയിന്‍ സംഘടിപ്പ…
ജില്ലാ മെഡിക്കല്‍ ഓഫീസും (ആരോഗ്യം) ദേശീയാരോഗ്യ ദൗത്യവും സംയുക്തമായി ലോക ആന്റി മൈക്രോബിയല്‍ റെസിസ്റ്റന്‍സ് വാരാചരണത്തിന്റെ ഭാഗമായി സിഗ്നേച്ചര്‍ ക്യാമ്പയിന്‍ സംഘടിപ്പിച്ചു. കാഞ്ഞങ്ങാട് പഴയ ബസ്റ്റാര്‍ഡ് പരിസരത്ത് സംഘടിപ്പിച്ച ക്യാമ്പയിന്റെ ഉദ്ഘാടനം കാഞ്ഞങ്ങാട് നഗരസഭ ചെയര്‍പേഴ്‌സണ്‍ കെ വി സുജാത നിര്‍വഹിച്ചു. ആരോഗ്യകാര്യ സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ കെ.വി സരസ്വതി , ദേശീയാരോഗ്യ ദൗത്യം പ്രോഗ്രാം മാനേജര്‍ സച്ചിന്‍ സെല്‍വ്, ജില്ലാ ഇന്‍ഫര്‍മേഷന്‍ ഓഫീസര്‍ എം.മധുസൂദനന്‍, എ.എം.ആര്‍ നോഡല്‍ ഓഫീസര്‍ ഡോ.ബിപിന്‍ കെ.നായര്‍, പ്രൈവറ്റ് ഫാര്‍മസി അസോസിയേഷന്‍ പ്രസിഡന്റ് കൃഷ്ണ വര്‍മ്മ രാജ, സീമറ്റ് കോളേജ് ഓഫ് നേഴ്‌സിംഗ് ഉദുമ സീനിയര്‍ ലക്ച്ചറര്‍ എ.ആര്‍ രമ്യ, ഡെപ്യൂട്ടി ജില്ലാ എഡ്യൂക്കേഷന്‍ ആന്‍ഡ് മീഡിയ ഓഫീസര്‍മാരായ എന്‍ പി പ്രശാന്ത്, എസ്.സയന, ജില്ലാ എ.എം.ആര്‍ കമ്മിറ്റി അംഗം വിനോദ് കുമാര്‍, സ്ത്രീകളുടെയും കുട്ടികളുടെയും ആശുപത്രി ഹെല്‍ത്ത് ഇന്‍സ്‌പെകടര്‍ രമേശന്‍ എന്നിവര്‍ സംസാരിച്ചു. കാഞ്ഞങ്ങാട് നഗരസഭാ പരിധിയിലെ ആരോഗ്യ പ്രവര്‍ത്തകര്‍, ഫാര്‍മസിസ്റ്റുമാര്‍, ജില്ലാ എ.എം ആര്‍ കമ്മിറ്റി അംഗങ്ങള്‍, കേരള പ്രൈവറ്റ് ഫാര്‍മസി അസോസിയേഷന്‍ പ്രതിനിധികള്‍, സിമെറ്റ് കോളേജ് ഓഫ് നേഴ്‌സിംഗ് ഉദുമ യിലെ വിദ്യാര്‍ത്ഥികളും പരിപാടിയില്‍ പങ്കെടുത്തു.
ആന്റി മൈക്രാബിയല്‍ റസിസ്റ്റന്‍സ് ഗൗരവകരമായ ഒരു പൊതുജനാരോഗ്യ ഭീഷണിയായി മാറിക്കൊണ്ടിരിക്കുകയാണ്. മനുഷ്യരിലും മൃഗങ്ങളിലും സസ്യവൃക്ഷാദികളിലും അണുബാധ തടയുന്നതിനും ചികിത്സിക്കുന്നതിനും ഉപയോഗിക്കുന്ന ആന്റി ബയോട്ടിക്കുകള്‍, ആന്റി വൈറലുകള്‍, ആന്റി ഫംഗലുകള്‍ തുടങ്ങിയ മരുന്നുകളുടെ ദുരുപയോഗവും, അശാസ്ത്രീയമായ ഉപയോഗവും മരുന്നുകളോട് രോഗാണുക്കള്‍ പ്രതികരിക്കാത്ത സാഹചര്യം ഉണ്ടാക്കുന്നു. ഇത് പകര്‍ച്ചവ്യാധികളുടെ വ്യാപനത്തിനും , ചികിത്സ സങ്കീര്‍ണ്ണമാക്കുന്നതിനും,, ചികിത്സാ ചെലവേറുന്നതിനും മരുന്നുകളോട് പ്രതികരിക്കാത്ത അവസ്ഥയില്‍ മരണങ്ങളുടെ എണ്ണം ഗണ്യമായി വര്‍ദ്ധിക്കുന്നതിനും ഇടയാക്കും.
ഏകാരോഗ്യം എന്ന ആശയത്തില്‍ അധിഷ്ഠിതമായ പ്രവര്‍ത്തനങ്ങളിലൂടെയും ആരോഗ്യ ശുചിത്വ ശീലങ്ങള്‍ പാലിച്ചുകൊണ്ടും മരുന്നുകളുടെ ദുരുപയോഗം തടയുന്നതിനുള്ള മാര്‍ഗങ്ങള്‍ സ്വീകരിച്ചു കൊണ്ടും ആന്റി മൈക്രാബിയല്‍ റസിസ്റ്റന്‍സ് തടയുന്നതിനുള്ള പ്രവര്‍ത്തനങ്ങളില്‍ എല്ലാവരും പങ്കാളികള്‍ ആകണമെന്നും പരിപാടിയുമായി ബന്ധപ്പെട്ട് ആരോഗ്യ സ്ഥാപനങ്ങള്‍ വഴി വിവിധ പ്രോഗ്രാമുകള്‍ ആസൂത്രണം ചെയ്തു നടപ്പിലാക്കുമെന്നും ജില്ലാ മെഡിക്കല്‍ ഓഫീസര്‍ (ആരോഗ്യം ) ഡോ. എ.വി രാംദാസ് അറിയിച്ചു.
